Hambileswi Yehovha aange se nyikela nawu mayelana ni kugandzela swikwembu swa mavunhwa, Yakobe se aaswi tiva swaku loko munhu a gandzela Yehovha anga fanelanga a gandzela swikwembu swin’wana. (Eks 20:3-5) Hi mhaka leyo, loko Yehovha amu byele swaku a tlhela aya Betele, Yakobe a byele hinkwavu lava avali na yena swaku va cukumenta swikwembu swa mavunhwa, kupatsa ni switlan’wani leswingaha yendlekaka avaswi tirhisela kutivhikela ka makhombo kumbe swin’wani. (Gn 35:1-4) Hakunene, Yehovha aswi tsakelile leswi Yakobe angaswi yendla.

Nyamuntlha hingaswi kotisa kuyini kugandzela Yehovha ntsena? Nchumu wa lisima lowu hi faneleke hiwu yendla i kufambela kule ni hinkwaswo leswi fambisaka ni wungoma ni kugandzela swikwembu swa mavunhwa. Leswi swingaha lava swaku hi cukumenta hinkwaswo leswi swi fambisanaka ni kufemba, ni kutlhela hi kambela leswi hi tihungataka hi swona. Hi xikombiso, tivutise: ‘Kunga va swaku ni tihungata hi mabuku kumbe mafilmi lawa ma kombisaka mavampiru, vanhu lava va dlaka nyama ya vanhu va’wana, masalamusi, wuloyi, kuchela van’wani khombo ni swilo swaku aswi tolovelekanga kuyendliwa hi vanhu?’ Kutani, hi fanele hi fambela kule ni swilo hinkwaswo leswi Yehovha aswi nyenyaka. — Ps 97:10.

SIXTIRA VHIDIYO LELINGE: “FAMBELA KULE NA DAVULOSI”, U GAMA U HLAMULA SWIVUTISO LESWI:

• Kuhumelele yini hi wutomi la xidjondzo xa Bibele lexi vitaniwaka Pelesa?

• Hi mhaka muni kuli wutlharhi kukombela mpfunu wa madoda loko xindjondzo xa Bibele kumbe munhu lweyi umu tivaka a lava mpfunu lowu fambisanaka ni swa wungoma?

• Loko hi lava kumpfuniwa hi Yehovha, hi swihi swilo leswi hi faneleke hi fambela kule na swona hi kuhelela?

• Hi xihi xiboho lexi Pelesa angaxi yendla?

• Ka muganga wa wena, hi tihi tindlela leti unga tirhisaka swaku u fambela kule ni madimona?