U ni 23 ku ya ka 65 wa malembe naswona u mupfuli wa ndlela wa nkama hinkwawu? A wu vabyi naswona u nga swi kota ku ya pfunisa lomu ku lavekaka vachumayeli va vanyingi? Loko ku li swaku u te ina ka swivutiso leswi, u tshama u pimisa hi ku titsalisa ka Xikola xa Vachumayeli va Mfumu? Ku sukela xi sungula xikola lexi, vamakwerhu va vanyingi, lava nga chada ni lava kalaka va nga chadanga se va titsalisile ka xona. Kambe swoswi ku laveka hintamu vamakwerhu vavanuna lava kalaka va nga se chada swaku va titsalisa. Kombela Yehovha a ku pfuna swaku u navela ku mu tirhela ni ku tekelela N’wana wa yena. (Ps 40:8; Mt 20:28; Hv 10:7) Gama u pimisa hi leswi u nga swi pumbaka ka wutomi la wena leswaku u ta kota ku ya ka xikola lexi.

Hi yini mintirho leyi va nyikiwaka lava va hetaka Xikola xa Vachumayeli va Mfumu? Van’wana va rhumeliwa ku ya tirha lomu ku vulavuliwaka lirimi lin’wana kumbe ku ya chumayela ka tindhawu leti ku nga ni vanhu va vanyingi. Van’wana va gama va va vadjikelezi, vapfaleti va vadjikelezi kumbe vamisiyonariyu. A nkama u pimisaka hi leswi u nga swi yentxelaka Yehovha, lwela ku va ni mavonelo ya ku fana ni ya muprofeta Esaya, lweyi a nga te: “Hi mina lweyi! Ni rhumi!” — Esa 6:8.

SIXTIRA VHIDIYO LELI NGE: VAMISIYONARIYU VA TIRHA KA KU TSHOVELA, U GAMA U HLAMULA SWIVUTISO LESWI:

• Vamisiyonariyu va langisiwa ku yini?

• Hi wini ntirho wa lisima lowu vamisiyonariyu va wu yentxaka?

• Hi yini minkateko yin’wana leyi kumiwaka hi vamisiyonariyu?