KUHANYA TANIHI VAKRESTE
Yampsisa Ndlela Leyi Uchumayelaka ha Yona — Tirhisa Swivutisu hi Ndlela Leyinene
HA YINI SWILI SWA LISIMA: Loko “mimpimisu ya mbilu ya munhu yifana ni mati yoyenta,” aswivutisu swifana ni bakiti la kuyihumesa handle. (Swiv 20:5) Aswivutisu swahipfuna kukatsa vayingiseli va hina ka bulu. Tinhlamulu ta swivutisu leswihlawuliweke kahle ha kanyingi tivoneke tili ta lisima. Yesu atirhise swivutisu hi ndlela leyihumelelaka. Xana hingamutekelela njhani?
UNGASWIYENDLISA KUYINI?
-
Endla swivutisu swa mavonelo. Yesu ayendle swivutisu swa mavonelo leswaku avona mimpimisu ya vadjondzisiwa vakwe. (Mt 16:13-16; be-TS paj. 238 par. 3-5) Xana hi swihi swivutisu swa mavonelo leswi wena ungaswiyendlaka?
-
Endla swivutisu leswikongomisaka. Akuva alulamisa mavonelo ya Petro, Yesu ayendle swivutisu atlhela anyikela tinhlamulu letingatirhaka. Kutani tikongomise Petro ahetelela afika ka mavonelo lamalulameke. (Mt 17:24-26) Hi swihi swivutisu swokongomisa leswi wena ungaswiyendlaka kupfuna munhu leswaku afikelela ka mavonelo lamalulameke?
-
Bumabumela muyingiseli waku. Ndzhaku ka loko mutsali “ahlamule hi kutwisisa,” Yesu amubumabumelile. (Mr 12:34) Xana wena ungamubumabumela njhani munhu loko ahlamula xivutisu?
HLALELA XIYENGE XOSUNGULA XA VHIDIYU LELINGE: ENDLA NTIRHU LOWU YESU AWUYENDLEKE — DJONDZISA. NDZAKU KA LESWO, HLAMULA SWIVUTISU LESWILANDZAKA:
-
Ha yini xikombisu lexi xingali xa madjondzisela lamanene, hambileswi rungula la kona linga linene?
-
Ha yini hifanela hiyendla leswiyengetelekeke kutlula kuhlamusela rungula?
HLALELA XIYENGE LEXILANDZELAKA XA VHIDIYU, UGAMA UHLAMULA SWIVUTISU LESWILANDZAKA:
-
Xana makwerhu aswitirhise njhani swivutisu hi ndlela leyihumelelaka?
-
Hi swihi swiyenge swin’wana swa madjondzisela ya yena hingaswitekelelaka?