Ka Yehovha, leswi wanuna ni wansati va tshembisanaka swona loko va chada i swa lisima hintamu, naswona a nga swi lavi swaku va hambana. (Mt 19:5, 6) Ku ni swikombiso swa swinyingi swa vamakwerhu va nga ni michadu ya ku tsakisa. Hambileswo a ku na muchadu wa ku hetiseka. Swikarhatu swi nga ha humelela, kambe a hi fanelanga hi fana ni vanhu va misava leyi, va vulaka swaku loko ku ni swikarhatu swa yampsa va hambana kumbe va divhorsiyara. Vakreste va nga yentxa yini swaku va vhikela muchadu wa vona?

A hi voni 5 wa minchumu va nga yi yentxaka.

1. Vhikela mbilu ya wena hi ku kala u nga yentxi minchumu leyi nga ta wonha muchadu wa wena, ya ku fana ni ku tlanga hi ku gangisana ni munhu mun’wana kumbe ku hungata hi swilo leswi kombisaka masangu. — Mt 5:28; 2Pe 2:14.

2. Tiyisa wunghanu la wena na Yehovha naswona tama u yentxa swaku muchadu wa wena wu mu tsakisa. — Ps 97:10.

3. Tama u lwela ku va ni wumunhu la linene naswona u nga tshiki ku yentxa minchumu hambi ya yitsongo hintamu leyi nga ta tsakisa lweyi u nga chada na yena. — Ko 3:8-10, 12-14.

4. Kombisa swaku u ni xihloniphu ni ku vulavulisana ka kunene. — Ko 4:6.

5. Mu nyiki leswi swi mu fanelaka hi ndlela ya lirhandzu. — 1Ko 7:3, 4; 10:24.

Yehovha hi yena a nga yentxa muchadu. Se loko Vakreste va hlonipha a wukati, va dzunisa Yehovha.

SIXTIRA VHIDIYO LELI NGE: HI FANELE HI ‘TSUTSUMA HI KUTIYISELA’ — YINGISA MINAWU YA MPHIKIZANO, U GAMA U HLAMULA SWIVUTISO LESWI:

• Hambileswi muchadu wu nga sungulaka kahle, hi swini swikarhatu leswi nga ha humelelaka?

• Bibele li nga va pfunisa ku yini lava nga chada loko va titwa ingi a va ha rhandzani?

• Hi yini minawu leyi Yehovha a yi nyikaka lava va nga chada?

• I yini leswi nuna na nsati va faneleke va swi yentxa swaku muchadu wa vona wu tsakisa?