Hi hanya ka misava leyi vulaka swaku swa swinene i swa ku biha, swa ku biha i swa swinene. (Esa 5:20) Lexi vavisaka, hi swaku vanhu va vanyingi va yentxa leswi Yehovha a swi nyenyaka swa ku fana ni ku wanuna a famba masangu ni wanuna ni wansati a famba masangu ni wansati. Vana van’wana a xikola va nga ha zama ku yentxa swaku vana va hina na vona va va ni mahanyelo lawa. U nga va pfunisa ku yini vana va wena swaku va hlula leswi?

Pfuna vana va wena swaku va yi tiva kahle minawu ya Yehovha. (Lv 18:3) Hi ku tsongotsongo, djondzisa vana va wena hi leswi Bibele li swi vulaka hi swa masangu. Leswi u nga ta va byela swi fanele swi fambisana ni ntanga ya vona ni matwisiselo ya vona. (Dt 6:7) Tivutisi leswi: ‘Na va djondzisa vana va mina leswi va fanelaka va swi yentxa ni leswi va kalaka va nga fanelanga va swi yentxa loko vanhu vo tshuka va va khomakhoma lomu va kalaka va nga fanelanga? Vana va mina va ta swi tiva swaku swi yentxa loko va kombiwa pornografiya kumbe va byeliwa ku yentxa swilo leswi Yehovha a swi nyenyaka?’ Ku va lulamisela swiyimu leswi, swi ta va pfuna swaku va nga tikokeli timhaka. (Swiv 27:12; Ekl 7:12) Loko u djondzisa vana va wena u kombisa swaku wa li tlangela a tshomba leli Yehovha a nga ku nyika lona. — Ps 127:3.

SIXTIRA A VHIDIYO LELI NGE: VHIKELA VANA VA WENA KA MINCHUMU YA KU BIHA, U GAMA U HLAMULA SWIVUTISO LESWI:

• Hi mhaka muni vapsali van’wana va chava ku djondzisa vana va vona hi swilo swa ku fambisana ni masangu?

• Hi mhaka muni vapsali va fanele va djondzisa vana va vona swaku va tiva mapimiselo ya Yehovha? — Ef 6:4

• Nhlengeletanu ya Yehovha yi va pfunisa ku yini vapsali swaku va djondzisa vana va vona hi swilo swa ku fambisana ni masangu? — Murindzi 05/19 paj. 12, kwadru

• Hi mhaka muni hi nga fanelanga hi nyimela swaku kuva ni swikarhatu swa swikulu swaku hi ta sungula ku bula ni vana va hina?