Mintlhanganu i ya lisima hintamu ka wugandzeli la Yehovha. (Ps 22:22) Phela hinkwavu lava gandzelaka Yehovha va tsaka naswona va kuma minkateko ya yinyingi. (Ps 65:4) Lava djondzeliwaka Bibele, va kulisa wunghanu la vona na Yehovha hi ku hantlisa loko va ya mintlhanganwini nkama ni nkama.

U nga va pfunisa ku yini lava u djondzaka na vona Bibele swaku va va kona mintlhanganwini? Tshamela ku va rhamba naswona va kombi vhidiyo leli nge Xana Kumaheka Yini Salão do Reino u tlhela u va tlhamusela lisima la ku va kona mintlhanganwini. (Buku leli nge Tikhorisi Hi Wutomi La Ku Kala Li Nga Heli, djondzo 10) U nga ha va byela hileswi nga djondziwa mintlhanganwini kumbe leswi nga ta djondziwa ka mintlhanganu leyi landzelaka. Va nyiki mabuku lawa ma nga ta tirhisiwa mintlhanganwini u tlhela u va komba swaku ma tirhisisiwa ku yini. Swi nga yentxeka swi lava minzamu ya yinyingi swaku u va pfuna swaku va va kona mintlhanganwini, kambe u ta tsaka loko u va vona va fika mintlhanganwini hi khambi la ku sungula. — 1Ko 14:24, 25.

SIXTIRA VHIDIYO LELI NGE PFUNA LAVA U DJONDZAKA NA VONA BIBELE KUVA VA YA MINTLHANGANWINI, U GAMA U HLAMULA SWIVUTISO LESWI:

• Nkama lowu Neta na a bula na Julia a mu rhambise ku yini swaku a ya mintlhanganwini?

• Hi mhaka muni hi tsaka loko lava hi djondzaka na vona Bibele va ya mintlhanganwini?

• Julia a titwise ku yini siku la ku sungula leli a nga ya mintlhanganwini?