Ku ni 4 wa mavhidiyo lawa hi ma tirhisaka swaku hi rhamba vanhu kuva va djondza Bibele. Kasi mavhidiyo lawa ma tirhela yini?

• A vhidiyo leli nge: Hayini Ufanele Udjondza Bibele? — Vhidiyu Hinkwalu li yendleliwe ku pfuna vanhu swaku va tsakela ku djondza Bibele ku nga na mhaka swaku i va wukhongeli lini la kona. Li tlhela li va pfuna swaku va kuma tinhlamulu ta Bibele leti twalaka ta swivutiso swa lisima. Li va tlhamusela leswi va nga swi yendlaka swaku va kombela djondzo ya Bibele.

• A vhidiyo leli nge: Hayini Ufanele Udjondza Bibele? (xiyenge) la fana ni leli la ku sungula, kambe lona ni komilenyana. Li tirha kahle ka materitoriyu lawa vanhu va kona va kalaka va nga na nkama wawunyingi.

• A vhidiyo leli nge: Xana Xifambisiwa Njhani Xidjondzo xa Bibele? li yendleliwe ku koka munhu swaku a tsakela ku djondza Bibele, li tlhela li mu pfuna ku kuma tinhlamulu ta swivutiso leswi a nga ha vaka na swona hi leswi djondzo yi fambisaka xiswona ni leswi a nga yi kombelisaka xiswona djondzo ya Bibele.

• A vhidiyo leli nge: Ha Ku Hoyozela Ka Djondzo Ya Wena Ya Bibele li yendleliwe ku komba vanhu lava hi djondzaka na vona Bibele. Hambileswi vhidiyo leli li nga ka pajina 2 la buku leli nge: Tikhorisi, li nga tirhisiwa ni ka broxura. Lona li kombisa leswi kumekaka ka buku ni leswi djondzo yi yendlisiwaka xiswona.

Hambileswi vhidiyo lin’wani ni lin’wani li nga ni xikongomelo, hinkwawu ma nga kombiwa kumbe ku rhumeliwa vanhu van’wani loko swi laveka. Vachumayeli hinkwavu va fanele va ma tiva kahle mavhidiyo lawa va tlhela va ma tirhisa loko va chumayela.