Bibele li nga txintxa wutomi la hina. (Heb 4:12) Kambe leswaku li tama li hi kongomisa hi tlhela hi pfuneka hi lona, hi fanele hi tiyiseka swaku lona i “Rito la Xikwembu.” (1Te 2:13) Se, Bibele li nga hi pfunisa ku yini kuva hi tiyisa lipfumelo la hina?

Lerha Bibele siku ni siku. Nkama lowu u li lerhaka u ta ya u swi tsumbula swaku li ta hi ka Xikwembu. Hi xikombiso, nkama lowu u lerhaka buku la Swivuriso, zama ku vona swaku wutlharhi leli kumekaka ka buku lolelo li nga ku pfunisa ku yini ka wutomi la wena. — Swi 13:20; 14:30.

Hamba maprojetu ya leswi u nga ta swi djondza. Vona swilo leswi kombisaka swaku Bibele li ta hi ka Xikwembu. Nghena ka Nkongomiso Wo Endla Ndzavisiso Wa Timbhoni Ta Yehovha, u gama u ya lani ku nge: “Bibele” u gama u ya ka “Yi Huhuteriwe Hi Xikwembu” (hi Xitsonga). Leswaku u tiyisa lipfumelo la wena ka leswaku Bibele a li txintxanga, nghena ka Apêndice A3 la Wuhundzuluxeli La Misava Ya Nyuwani (hi Xitsonga).

SIXTIRANI VHIDIYO LELI NGE: HI MHAKA MUNI HI FANELE HI VA NI LIPFUMELO KA . . . RITO LA XIKWEMBU, MI GAMA MI HLAMULA SWIVUTISO LESWI:

• Mifoto leyi va nga yi tsumbula ka paredi la tempele la Karnak, yi hi pfunisa ku yini ku kholwa swaku leswi nga ka Bibele i ntiyiso?

  textarea-1

• Hi swi tivisa ku yini swaku rungula la Bibele a li txintxanga?

  textarea-2

• Leswi Bibele li nga ponisa xiswona swi ku pfunisa ku yini ku vona swaku i Rito la Xikwembu? — Lerha Esaya 40:8

  textarea-3