Hi mhaka muni swi lava u tshama u lungile? Phela na u nga swi nyimelanga, swi nga ha lava u ya baxara xibelhela swa kola na kola. Hi mhaka leyo, swi lava u tilunghiselela na ka ha li swoswi swaku u ta dahiwa hi ndlela ya kahle. Loko u yendla leswo, u kombisa swaku u hlonipha wutomi ni leswi Yehovha a swi vulaka hi ngati. — Min 15:28, 29.

U nga yendla yini swaku u tilunghiselela?

• Khongela u tlhela u li prenxera kahle cartão la ngati (DPA). a Vachumayeli lava se va nga tsakamisiwa, va nga ya titekela cartão leli a balcão, va tlhela va tekela vana va vona cartão la ngati leli nga yendleliwa vana (ic)

• Loko u ni nyimba, kombela madoda swaku ma ku nyika papela leli vulavulaka hi leswi nga pfunaka lava nga ni tinyimba (S-401). Papela lolelo li ta ku pfuna ku yendla xiboho xa xinene, xa leswaku u ta dahisiwa ku yini nkama lowu u nga ni nyimba kumbe loko u phuluka

• Loko swi lava u cheliwa ngati kumbe u baxara xibelhela, byela madoda na ka ha li nkama u tlhela u hlaya xibelhela swaku u ta pfuxeliwa hi Timboni ta Yehovha

Madoda ma nga ku pfunisa ku yini? Ma nga ku pfuna swaku u prenxera cartão la DPA. Kambe, a ma nga ta ku yendlela xiboho naswona a ma nga ta ku byela leswi wona a ma ta swi yendla loko a ma li ka xiyimu xa wena. (Rm 14:12; Ga 6:5) Loko u byela madoda swaku u kumana ni xikarhatu lexi lavaka swaku u chela ngati, wona ma ta vulavulisana ni vamakwerhu lava vulavulisanaka ni xibelhela (HLC).

Vamakwerhu va ku vulavulisana ni swibelhela va nga ku pfunisa ku yini? Vona va trenariwile swaku va pfuna vamediku kuva va twisisa mavonelo ya hina hi ngati. Va bula ni vamediku hi leswi va nga hi dahisaka xiswona na va nga tirhisi ngati, funtshi loko swi laveka va nga ku pfuna swaku u kuma mediku lweyi a nga ku dahaka na a nga tirhisi ngati.

SIXTIRANI VHIDIYO LELI NGE: U NGA SWI YENDLISA KU YINI SWIBOHO KA MADAHELO LAWA MA TIRHISAKA NGATI, MI GAMA MI HLAMULA XIVUTISO LEXI:

• U djondze yini ka vhidiyo leli, leswi nga ta ku pfuna ku tshama u lunghekile loko swi lava u cheliwa ngati swa kola na kola

  textarea-1