Hi lava ku tsakisa Yehovha ka hinkwaswu leswi hi swi yendlaka. (Swi 27:11) Swaku hi yendla leswo, swi lava leswaku na hi nge se yendla xiboho hi zama ku tiva swaku Yehovha a xi vonisa ku yini xiboho xolexo. Hi nga swi yendla leswo hambiloko ku nga na nawu wa ku kongoma lowu vulavulaka hi mhaka ya kona. Se, i yini leswi nga hi pfunaka ku yendla leswo?

Tama u djondza Bibele nkama ni nkama. Nkama hi djondzaka Bibele, swi fana ni loko hi heta nkama na Yehovha. Hi nga tiva leswi Yehovha a swi pimisaka loko hi djondza hi ndlela leyi Yehovha a a hanyisana hi yona ni vanhu va khale, hi tlhela hi djondza hi swikombiso swa vanhu lava nga yendla swaswinene ni lava nga yendla swa ku biha ka matihlo ya yena. Se, loko hi lava ku yendla swiboho moya wa ku kwetsima wu ta hi pfuna swaku hi khumbuka leswi hi ga ta va hi swi djondzile, ku patsa ni matshinya ya minawu lawa hi nga ma tirhisaka. — Yh 14:26.

Kambisisa. Na u nge se yendla xiboho tivutisi leswi: ‘Hi yini ndzimana ya Bibele kumbe mhaka leyi ku vulavuliwaka hi yona ka Bibele, leyi ni pfunaka ku twisisa leswi Yehovha a yi vonisaka xiswona mhaka leyi?’ Khongela ka Yehovha, naswona tirhisa swilo swa ku kambisisa hi swona leswi kumekaka hi lirimi la wena, leswi nga ta ku pfuna ku kuma matshinya ya minawu lawa ma nga ku pfunaka ka xiyimu lexi u nga ka xona. — Ps 25:4.

SIXTIRANI VHIDIYO LELI NGE: “A HI TSUTSUMENI HI KU TIYISELA” — DLANA SWAKUDLA SWA KAHLE, MI GAMA MI HLAMULA SWIVUTISO LESWI:

• Hi yini mindzingo leyi jovhem leli li nga kumana na yona?

  textarea-1

• U nga swi tirhisisa ku yini swilo swa ku kambisisa hi swona loko u kumana ni mindzingu leyi fanaka?

  textarea-2

• Ku tinyika nkama wa ku kambisisa ni ku djondza Bibele swi nga hi pfunisa ku yini ku yendla swiboho swaswinene? — Heb 5:13, 14

  textarea-3