Hi fanele hi yingisa Xikwembu swi suka mbilwini. (Swiv 3:1) Hi mhaka leyo, loko hi djondzisa hi fanele hi zama ku khumba timbilu ta lava hi va djondzisaka. Hi nga swi yentxisa ku yini leswo?

A hi fanelanga hi djondzisa munhu mintiyiso ya Bibele ntsena, kambe hi fanele hi mu pfuna ku vona swaku leswi a swi djondzaka a nga swi tirhisisa ku yini ka wutomi la yena, ni swaku swi nga mu pfunisa ku yini ku tiyisa wunghanu la yena na Yehovha. Pfuna lweyi u djondzaka na yena Bibele kuva a vona swaku minawu yi swi kombisisa ku yini leswaku Xikwembu xi ni lirhandzu, xi ni wunene naswona xi ni wululami. Zama ku tirhisa swivutiso hi ndlela ya yinene kuva u pfuna lweyi u djondzaka na yena swaku a vona leswi a titwisaka xiswona hileswi a swi djondzaka. Mu pfuni a vona swaku wutomi la yena li ta yampsa loko a tshika kuva ni mimpimiso ya ku biha kumbe ku yentxa swilo swa ku biha. Loko u vona swaku lweyi u djondzaka na yena Bibele wa mu rhandza Yehovha hi mbilu ya yena hinkwayu, u ta tsaka.

SIXTIRA VHIDIYO LELI NGE: TAMA U TSAKA HI KU DJONDZISA VANHU — YAMPSISA MACHUMAYELELO YA WENA — KHUMBA MBILU, U GAMA U HLAMULA SWIVUTISO LESWI:

• Hi mhaka muni Neta a vutise Julia swaku a nga va a pimise hi swona leswi va nga swi djondza hi Segunda-feira?

• Neta a mu pfunise ku yini Julia kuva a twisisa swaku minawu ya Bibele yi kombisa swaku Yehovha wa mu rhandza?

• Neta a mu pfunise ku yini Julia kuva a komba Xikwembu swaku wa xi rhandza?