Ku va ni ntwelawusiwana i ku kota ku twisisa leswi vanhu va titwisaka xiswona, leswi va swi rhandzaka ni leswi va swi lavaka. Vanhu van’wana, va swi vona loko hi va komba ntwelawusiwana, naswona loko hikakunene hi lava ku pfuna van’wana hi ta va komba ntwelawusiwana. Loko hi kombisa ntwelawusiwana ka ntirho wa ku chumayela, hi ta va hi tekelela lirhandzu la Yehovha naswona hi ta pfuna vanhu swaku va va kusuhi na yena. — Flp 2:4.

Ku komba vanhu van’wana ntwelawusiwana a swo ti yentxekela, kambe loko hikakunene hi ni ntwelawusiwana swi ta tikomba hi mavulavulelo ya hina, ndlela leyi hi yingisaka ha yona ni leswi hi va yentxelaka swona van’wana. Hi nga kombisa swaku hi ni ntwelawusiwana loko hi ni mhaka ni vanhu van’wana, hi kombisa swaku ha swi hlonipha leswi va swi rhandzaka, leswi va swi kholwaka ni swiyimu swa vona. Leswo swi ta yentxa swaku hi va chumayela kambe na hi nga va sindzisi swaku va txintxa mahanyelo ya vona. Se loko va hi yingisa, va pfumela swaku hi va pfuna, hi ta tama hi wu tsakela hintamu ntirho wa ku chumayela.

SIXTIRA VHIDIYO LELI NGE TAMA U TSAKA HI KU DJONDZISA VANHU — YAMPSISA MACHUMAYELELO YA WENA — KOMBISA NTWELAWUSIWANA, U GAMA U HLAMULA SWIVUTISO LESWI:

• Neta a wu kombisise ku yini ntwelawusiwana loko Julia a hlwele ku fika swaku va ta djondza?

• Neta a mu kombisise ku yini ntwelawusiwana Julia loko a vula swaku a nga ta swi kota ku djondza hi leswi a nga ni xitresi?

• Neta a mu kombisise ku yini ntwelawusiwana Julia loko a vula swaku a nga swi koti ku swi lunghiselela kahle swilo swa yena?