Bibele li hi byela swaku hi fanele hi tirhisana ni Vakreste lava va nga kula ku fana ni loko va li vamamana ni vapapayi va hina, ni madjaha ku fana ni loko va li vamakwenu va hina. (Lerha 1 Timotiyu 5:1, 2.) Ngopfu ngopfu vamakwerhu vavanuna va fanele va tirhisana ni vamakwerhu vavasati hi xihloniphu xa xikulu.

Vamakwerhu vavanuna a va fanelanga va tlanga hi ku gangisa kumbe va yentxa nchumu lexi nga ta yentxa makwerhu wawansati a nga titwi kahle. (Yb 31:1) Makwerhu lweyi a kalaka a nge se chada a nga fanelanga a tlanga hi makwerhu wawansati lweyi a kalaka a nga chadanga, a yentxa ingaku wa mu rhandza kuve a nga mu rhandzi.

Madoda ma fanele ma va yingisela kahle vamakwerhu vavasati lava hi xihlonipho va vutisaka nchumu kumbe va nyikelaka mavonelo ya nchumu lexi kumbexana a xi fanele xi lunghisiwa abandleni kumbe loko va lava ku pfuniwa. Ngopfu ngopfu madoda ma fanele ma tinyimisela ku pfuna vamakwerhu vavasati lava kalaka va nga na vavanuna swaku va va vhikela. — Rt 2:8, 9.

SIXTIRHA VHIDIYO LELI NGE: KOMBISA LIRHANDZU LA KUKALA LINGA HELI ABANDLENI KA VAFELAKAZI NI LAVA KALAKA VAPSALI, U GAMA U HLAMULA SWIVUTISO LESWI:

• Vamakwerhu bandleni va li kombisise ku yini lirhandzu ka makwerhu lweyi a nga feliwa hi nuna?

• Lirhandzu leli vamakwerhu va nga li kombisa li li nyikelise ku yini wumboni ka ndhawu liyani?

• Lirhandzu leli vamakwerhu va nga li kombisa li va khumbise ku yini vana va makwerhu lweyi a nga feliwa hi nuna?

U nga yentxa yini swaku u kombisa swaku wa va rhandza vamakwerhu vavasati ka bandla la wena?