Bibele li ni swikombiso swa swinyingi swa vanhu lava Yehovha a nga hlamula swikhongelo swa vona. Loko vanhu va Yehovha va vona leswi a nga swi hlamulisa xiswona swikhongelo swa vona ni leswi a nga va pfunisa xiswona, lipfumelo la vona a li tiya. Na hina loko hi khongela, a hi fanelanga hi djikadjika funtshi hi fanele hi zama ku vona leswi Yehovha a swi hlamulisaka xiswona swikhongelo swa hina, na hi khumbuka swaku minkama yin’wana Yehovha a nga hlamula swikhongelo swa hina hi ndlela ya ku hambana ni leyi a hi pimisa yona. (2Ko 12:7-9; Ef 3:20) Yehovha a nga swi hlamulisa ku yini swikhongelo swa hina?

• A nga hi nyika ntamu, ku rhula, a tlhela a hi nyika lipfumelo la ku tiya loko hi kumana ni swikarhatu. — Flp 4:13

• A nga hi nyika wutlharhi swaku hi kota ku yentxa swiboho swa swinene. — Yk 1:5

• A nga hi pfuna hi navela ku yentxa minchumu ya yinene. — Flp 2:13

• A nga hi nyika ku rhula loko hi karhatekile. — Flp 4:6, 7

• A nga tirhisa van’wana swaku va hi tiyisa kumbe ku hi nyika leswi hi swi lavaka. — 1Yh 3:17, 18

• A nga pfuna lava hi va khongelelaka. — Min 12:5, 11

SIXTIRA VHIDIYO LELI NGE: YEHOVHA WA SWI TWA SWIKHONGELO SWA HINA, U GAMA U HLAMULA SWIVUTISO LESWI:

• Xikombiso xa Makwerhu Shimizu xi nga hi pfunisa ku yini loko hi nga swi koti ku yentxela Yehovha leswi a hi swi lava?

• Hi nga mu tekelelisa ku yini makwerhu Shimizu?