Loko hi zama ku yentxa swin’wana ka ntirho wa Yehovha, hi ta swi kota ku tirhisa kahle nkama ni ntamu wa hina. (1Ko 9:26) Phela leswi nkama lowu nga sala wu nga wutsongo, swi kahle ku zama ku yentxa swin’wana ka ntirho wa Yehovha hikusa leswo swi yentxa swaku hi wu tirhisa kahle nkama ni ntamu wa hina. (Ef 5:15, 16) Ka wugandzeli la n’wina la ndjangu, swi ngo yini mi bula hi mintirho leyi mi nga mu yentxelaka yona Yehovha ka lembe la 2023? A xibukwana lexi, xi ni tinhlokomhaka leti ti nga ta ku pfuna ku pimisa u tlhela u khongela hi mhaka leyi. — Yk 1:5.

Hi xikombiso, swi ngo yini loko mun’we ka ndjangu wa n’wina o va mupfuli wa ndlela wa nkama hinkwawu? Loko u chava swaku u nga ta swi kota ku tlhanganisa mawora, bula ni mupfuli wa ndlela lweyi a kumanaka ni xikarhatu xa ku fana ni xa wena. (Swiv 15:22) U nga ha mu rhamba ka wugandzeli la n’wina la ndjangu u gama u tiyentxela programa. Pimisa hi ku tlhela u va mupfuli wa ndlela.

Indje a kona ka ndjangu wa n’wina lweyi a nga swi kotaka ku va mupfuli wa ndlela wa ku pfunisa? Loko u nga na ntamu funtshi u lava ku va mupfuli wa ndlela wa ku pfunisa, u nga ha chumayela nkama wa wutsongo hi siku. Loko swi ku karhatela ku chumayela xikarhi ka vhiki hi mhaka ya ntirho kumbe xikola, u nga ha langa wheti leyi nga ni feriyadu kumbe leyi nga ni 5 wa ma fim de semana. Bulani hi tiwheti leti mi lavaka ku va vapfuli va ndlela mi gama mi swi tsala. — Swiv 21:5.

SIXTIRA VHIDIYO LELI NGE: VANANI NI XIVINDZI . . . VAPFULI VA NDLELA, U GAMA U HLAMULA XIVUTISO LEXI:

• Xikombiso xa Makwerhu Emma xi hi djondzisa yini hi leswi Yehovha a va pfunisaka xiswona vapfuli va ndlela?