Vapsali lava chavaka Xikwembu va navela kuvona vana va vona vatirhela Yehovha hi kutshembeka. Vapsali vanga vapfuna kuyendla tanu hi kunghenisa tidjondzo ta Bibele a timbilwini ta vona kusukela loko vahali vatsongo. (Dt 6:7; Swiv 22:6) Xana leswi swi lava kuti karhata? Ina! Kambe swi tisa hakelo leyinene. — 3Yh 4.

Vapsali vanga djondza swotala ka Yosefa na Mariya. Vona “avaya Yerusalema lembe rin’wana ni rin’wana nkhubzeni wa Paska,” hambi leswi aswiva tekela nkama ni male. (Lk 2:41) Swatikomba leswaku ka Yosefa na Maria, kuva ndjangu wa vona wuva ni wuxaka la le kusuhi na Yehovha aku li nchumu wa lisima swinene. Hi laha kufanaka, namuntlha vapsali vanga fambisa vana va vona atindleleni tolulama hi kulondzovota mukhandlu wun’wana ni wun’wana va va djondzisa hi maritu ni hi swiyendlo. — Ps 127:3-5.

HLALELA VHIDIYU LELINGE: VONA VA LONDZOVOTE MUKHANDLU WUN’WANA NI WUN’WANA, UGAMA UHLAMULA SWIVUTISU LESWI LANDZELAKA:

• Xana Jon na Sharon Schiller vaswikotise kuyini kurhangisa swilaveko swa Mfumu navali karhi va wundla ndjangu wa vona?

• Hayini vapsali vafanele va cincacinca madjondzisela ni malayela hi kuya hi xilaveko xa n’wana mun’wana ni mun’wana?

• Xana vapsali vanga va lunghisela njhani vana va vona leswaku va tiya loko lipfumelo la vona li ringiwa?

• Hi swihi switirhu swi lunghiseliweke hi nhlengeletanu ya Yehovha, leswi uswi tirhiseke leswaku upfuna vana va wena kutiyisa wunghanu la vona na Yehovha?