A lirhandzu li yentxa swaku ndjangu wu hanya hi ku twanana. Loko wu nga na lirhandzu, swi nga wu karhatela ndjangu swaku wu hanya hi ku twanana wu tlhela wu tirhisana. Nuna, nsati ni vapsali, va nga li kombisisa ku yini lirhandzu a ndjangwini?

Nuna lweyi a nga ni lirhandzu a ta hlayisa nsati wa yena, a yingisa mavonelo ya yena ni leswi a ti twisaka xiswona. (Ef 5:28, 29) A ta hlayisa ndjangu wa yena a tlhela a fambisa djondzo ya ndjangu vhiki ni vhiki. (1Tm 5:8) Nsati lweyi a nga ni lirhandzu a ta yingisa nuna wa yena a tlhela a ‘tiveka hansi’. (Ef 5:22, 33; 1Pe 3:1-6) Nuna na nsati va fanele va tinyimisela ku rivalelana swi huma mbilwini. (Ef 4:32) Vapsali lava va nga ni lirhandzu va komba vana va vona hinkwavu swaku va va rhandza va tlhela va va djondzisa hi Yehovha. (Dt 6:6, 7; Ef 6:4) Hi swini swikarhatu leswi vana va kumanaka na swona a xikola? Va swi kota ku tshama va tiyile loko va xengeteliwa hi vanhu va tintanga ta vona? Loko hinkwavu ndjangwini va kombana lirhandzu, va ta titwa va hlayisekile.

SIXTIRA VHIDIYO LELI NGE: KOMBISA LIRHANDZU LA KUKALA LINGA HELI A NDJANGWINI, U GAMA U HLAMULA SWIVUTISO LESWI:

• Nuna lweyi a nga ni lirhandzu a yentxa yini swaku a hlayisa nsati wa yena?

• Nsati lweyi a nga ni lirhandzu a nga swi kombisisa ku yini swaku wa mu hlonipha nuna wa yena?

• Vapsali lava va nga ni lirhandzu va nga yentxa yini swaku va djondzisa vana va vona hi Yehovha?