Loko hi yentxa revhizita kumbe loko hi fambisa djondzo ya Bibele, hi lava ku pfuna lweyi hi bulaka na yena swaku a twisisa tipontu ta lisima. Loko hi tirhisa swikombiso ka tipontu toleto, hi ta khumba mbilu ya yena naswona swi nge te mu karhatela ku swi khumbuka.

Loko u tilunghiselela ku ya yentxa a revhizita kumbe ku ya djondza ni munhu Bibele, kambisisa tipontu leti u nga ta yentxa xikombiso ka tona. Tirhisa xikombiso xa ku kala xi nga karhati, xa minchumu ya siku ni siku. (Mt 5:14-16; Mr 2:21; Lk 14:7-11) Yentxa xikombiso lexi fambelanaka ni munhu yelweyo, lexi fambisanaka ni minchumu leyi mu yentxekelaka siku ni siku. (Lk 5:2-11; Yh 4:7-15) Loko u vona swaku lweyi u djondzaka na yena wa tsaka hi leswi a swi twisisaka, na wena u ta tsaka.

SIXTIRA VHIDIYO LELI NGE: TAMA U TSAKA HI KU DJONDZISA VANHU — YAMPSISA MACHUMAYELELO YA WENA — YENTXA SWIKOMBISO KA TIPONTU TA LISIMA, U GAMA U HLAMULA SWIVUTSO LESWI:

• Hi mhaka muni hi fanele hi pfuna lweyi hi djondzaka na yena swaku a twisisa tindzimana ta Bibele loko hi djondza?

• Neta a xi yentxise ku yini xikombiso ka ntiyiso lowu kumekaka ka Varoma 5:12?

• Xikombiso xa xinene xi nga mu khumbisa ku yini lweyi hi djondzaka na yena Bibele?

• Loko hi li ka ntirho wa ku chumayela, hi mhaka muni swi li swa lisima ku tirhisa mavhidiyo ni swilo swa ku djondzisa hi swona leswi nhlengeletanu ya Yehovha yi hi nyikaka swona?