Leswi hi hanyaka ka wugamu ka “masiku ya wugamu” ha swi tiva swaku minchumu yi ta ya yi karhata. (2Tm 3:1; Mt 24:8) Yehovha a byela vanhu va yena leswi va faneleke va swi yentxa loko va kumana ni tinghozi. Hambileswo, hi fanele hi tilunghiselela hi tlhela hi yingisa leswi Yehovha a hi byelaka swona swoswi hikusa swi ta hi ponisa ka nkama lowu taka. — Lk 16:10.

• Tiyisa wunghanu la wena na Yehovha: Minkama hinkwayu u fanele u lerha Bibele u tlhela u yentxa djondzo ya wena wexe. Zama ku chumayela hi tindlela ta ku hambanahambana. Loko u tshuka u humeleliwa hi nghozi, u nga karhateki hintamu loko u nga swi koti ku vulavula ni vamakwerhu va bandla la wena. (Esa 30:15) Hikusa Yehovha na Yesu va ta tama va li kusuhi na wena ku nga na mhaka swaku u le ka swiyimu swini. — Nhlengeletanu paj. 176 mapar. 15-17

• Lunghiselela swilo leswi u nga ta swi lava hi ku hantlisa loko ku humelela nghozi: Hinkwerhu hi fanele hi tshama na hi li ni kit de emergência ku nga paxta leli nga ni swilo leswi hi nga ta swi lava hi ku hantlisa loko ku humelela nghozi. Ka paxta lolelo hi nga peta swakudla, mati, mimurhi ni swilo swin’wana leswi hi nga ta swi lava loko ku humelela nghozi. — Swiv 22:3; Khindlimuka!-TS 05/17 mapaj. 4, 6

SIXTIRA VHIDIYO LELI NGE: TSAMA U LUNGHEKILE NA TINGHOZI TINGASE FIKA! U GAMA U HLAMULA SWIVUTISO LESWI:

• Hi nga li tiyisisa ku yini wunghanu la hina na Yehovha na ku nge se fika tinghozi?

• Hi mhaka muni hi fanele . . .

  • hi byela madoda lomu hi tshamaka kona hi tlhela hi ma nyika tinumeru ta hina ta matelefoni?

  • hi va ni kit de emergência kumbe paxta leli nga ni swilo leswi hi nga ta swi lava hi ku hantlisa loko ku humelela nghozi?

  • hi pimisa hi tinghozi leti nga humelelaka lomu hi tshamaka kona ni leswi hi nga swi yentxaka loko ti humelela?

• Hi tihi tindlela tinharhu leti hi nga ti tirhisaka swaku hi pfuna van’wana loko va humeleliwa hi tinghozi?

TIVUTISI: ‘Mavabyi ya coronavirus ma ni djondzisa yini hi ku tshama na ni lunghekile?’