Leswi hi nga ni xidjoho, swi nga ha hi vevukela ku navela nchumu wun’wana ni wun’wana. Kambe loko hi nga tivoneli, ku navela koloko ku nga ha wonha wunghanu la hina na Yehovha. Van’wana va pfumelela swaku ku rhandza ku dla, mpahla kumbe tiyindlo swi va swa lisima ku tlula ku rhandza Yehovha. Van’wana va famba masangu na va nga landzi minawu ya Yehovha. (Rm 1:26, 27) Funtshi van’wana va pfumela ku xengeteliwa ku yentxa swilo swa ku biha swaku va ta tsakeliwa hi vanhu. —  Eks 23:2.

Leswaku hi tivonela ka leswi hi swi navelaka, hi fanele hi rhandza leswi tsakisaka Yehovha. (Mt 4:4) Naswona hi fanele hi kombela Yehovha a hi pfuna hi tivonela ka leswi hi swi navelaka hikusa yena wa swi tiva leswi nga swinene ka hina ni leswaku hi yini ndlela ya kahle ya ku tsakisa ku navela ka hina. —  Ps 145:16.

SIXTIRA VHIDIYO LELI NGE: U NGA WONHI WUTOMI LA WENA HI KU DZAHA, U GAMA U HLAMULA SWIVUTISO LESWI LANDZELAKA:

• Hi mhaka muni vanhu van’wana va dzaha?

• Va humeleliwa hi yini lava dzahaka?

• Hi mhaka muni swi bihile ku dzaha? —  2Ko 7:1

• U nga swi kotisa ku yini ku nyima ku dzaha kumbe ku yala loko u xengeteliwa swaku u dzaha?