Switirhisiwa swodjondzisa hi swona swotani hi mavhidiyo, mifoto, madiyagrama, mimapa, makwadru ni swikombiso swa nkama, swi yendla munhu a nyikela yingiso naswona swimu pfuna kutwisisa ni kukhumbuka hi kuhantlisa leswi aswi djondzeke. Yehovha Mudjondzisi wa hina Lwenkulu Ngopfu a tirhise switirhisiwa leswi leswaku a djondzisa swilo swa lisima. (Gn 15:5; Yr 18:1-6) Na yena Yesu Mudjondzisi wa hina Lwenkulu, aswi tirhisile. (Mt 18:2-6; 22:19-21) Mavhidiyo i xitirhisiwa xodjondzisa hi xona lexi tikombisaka xi pfuna ngopfu swinene ka malembe nyana lawa ya swoswi. Xana wama tirhisa hi ndlela leyi pfunaka mavhidiyo lawa loko u djondzisa swidjondzo swa wena swa Bibele?

Kulunghiseliwe 10 wa mavhidiyo leswaku mahi pfuna kufambisa swidjondzo hi broxura lelinge Mahungu Yotsakisa Lamataka hi ka Xikwembu! Hi ntolovelo, a nhlokomhaka ya vhidiyo ha lin’we yi fambisana ni xin’we xa swivutiso swa ntima ngopfu leswi kumekaka ka djondzo ya kona. Ka broxura Mahungu Yotsakisa leli kumekaka ka interneti kukombisiwe laha swi lavaka u nyima nya leswaku u kombisa vhidiyo leli fambisanaka ni mhaka ya djondzo. Kuyengetela kolaho, mavhidiyo man’wana manga tirhisiwa loko hi fambisa swidjondzo swa Bibele na hi tirhisa mabuku man’wana lamanga switirho swa hina swodjondzisa hi swona.

Xana u le kukambisiseni ka mhaka yokarhi ya Bibele leyi u vonaka leswaku yinga tikela xidjondzo xa wena kuyi twisisa? Kumbexana xidjondzo xa wena xi kumana ni xikarhato xokarhi? Yana ka jw.org® kumbe ka JW Broadcasting® uya lavetela vhidiyo lokarhi lelingataxi pfuna. Swingo yini loko wena ni xidjondzana xa wena mi hlalela swin’we vhidiyo lelo mi gama mi bulisana hi lona?

Wheti ni wheti kuhumesiwa mavhidiyo ya nyiwana. Loko u li karhi uma hlalela zama kuvona ndlela leyi ungama tirhisaka ha yona loko u li karhi u djondzisa van’wana.