Yehovha “Xikwembu xa ku tsaka,” a lava swaku u tsaka loko u li ka ntirho wa ku chumayela. (1Tm 1:11) Loko hi yampsisa machumayelela ya hina swi hi yentxa hi tsaka hintamu. Phela swivutiso swi hi pfuna ku sungula mabulu naswona swi nga pfuna vanhu va navela ku djondza ntiyiso. Swivutiso swi yentxa vanhu va pimisa hi leswi hi bulaka na vona hi swona. (Mt 22:41-45) Loko hi yentxa munhu xivutiso, hi tlhela hi mu yingisela kahle loko a hlamula, swi fana ni loko hi mu byela leswi: ‘Wena u wa lisima ka mina.’ (Yk 1:19) Nhlamulu ya yena yi ta hi pfuna ku tiva leswi hi nga yaka mahlweni hi bula hi swona.

SIXTIRA VHIDIYO LELI NGE: TAMA U TSAKA HI KU DJONDZISA VANHU — YAMPSISA MACHUMAYELELO YA WENA — YENTXA SWIVUTISO, U GAMA U HLAMULA SWIVUTISO LESWI:

• Hi lihi wumunhu la Júlia leli u nga li vona ka vhidiyo?

• Neta a swi tirhisise ku yini swivutiso ku kombisa swaku wa swi tsakela ku bula na Júlia?

• Neta a swi tirhisise ku yini swivutiso swaku a yentxa Júlia a nevela ku djondza swin’wana?

• Hi xihi xivutiso lexi Neta a nga xi yentxa kuva a pfuna Júlia ku pimisa hi tsalwa leli va nga li lerha?