Munghanu i “munhu lweyi a namarhelaka munhu mun’wana” hileswi a mu rhandzaka. Hi xikombiso, Yonathani na Davhida va sungule ku va vanghanu va vakulu nkama Davhida a nga dlaya Goliyadi. (1Sa 18:1) Mun’wana ni mun’wana a nga kombisa wumunhu leli nga yentxaka van’wana va lava ku va vanghanu va yena. Se, leswaku hi va ni wunghanu la linene ni munhu hi fanele hi mu tiva kahle, kambe leswaku hi tiva munhu mun’wana swi lava nkama hi tlhela hi yentxa minzamu. Phela ka ma redes sociais swi vevuke hintamu ku kuma vanghanu va vanyingi. Naswona ka ma redes sociais swi vevukile swaku munhu a tifihla leswi a nga swona hikakunene. Hi mhaka leyo, hi fanele hi tivonela swaku hi vamani lava hi va pfumelelaka swaku va bula na hina ka ma redes sociais. U nga chavi ku yala ku va munghanu wa munhu lweyi u kalaka u nga mu tivi kahle, hi ku chava ku mu kwatisa. Phela van’wana va swi vona swi yampsa ku kala va nga ma tirhisi ma redes sociais hileswi ma nga ni nghozi. Kambe loko swi ku wena u lange ku ma tirhisa, i yini leswi nga ku pfunaka?

SIXTIRA VHIDIYO LELI NGE VANA NI WUTLHARI AKU TIRHISENI KA MA REDES SOCIAIS, U GAMA U HLAMULA SWIVUTISO LESWI:

• I yini leswi u faneleke u pimisa hi swona loko u nge se veka mafoto kumbe u tsala swilo ka ma redes sociais?

• Hi mhaka muni u fanele u tivonela loko u langa vanghanu ka ma redes sociais?

• Hi mhaka muni u fanele u pima nkama lowu u wu hetaka na u li ka ma redes sociais? — Ef 5:15, 16