HAYINI SWI LI SWA LISIMA: Vanhu va fanele va vitana vito la Yehovha leswaku va ponisiwa. (Rhm 10:13, 14) Hambiswilitano, ahi hinkwavo lava pfumelaka kudjondza Bibele na hina va lavaka kutitwananisa ni minawu ya Yehovha. Hiwu tirhisa kahle nkama wa hina antirhweni wochumayela hi kupfuna lava hakunene va lavaka kuyendla kucinca leswaku va tsakisa Yehovha. Loko xidjondzo xa wena xinga yendli nhluvuku wa kutwala ndzhaku ka nkama wokarhi lowu ringaneke, hi wutlhari nyima kudjondza na xona ivi u tirhisa nkama wa wena kupfuna lava Yehovha ava kokaka ahlengeletanwini ya yena. (Yh 6:44) Kunene loko munhu wa kona a cinca ndzhaku ka nkama wokarhi ivi a kombisa leswaku se ani ‘kutiyimisela lokunene ka wutomi lelinga heliki’ hita tlhela hi sungulisa kudjondza na yena. — Min 13:48.

UNGASWI YENDLISA KUYINI:

• Bumabumela xidjondzo xa wena hi leswi xi lavaka kutiva ntiyiso. — 1Tm 2:4

• Khanyisela xidjondzo xa wena leswaku i swa lisima kuhanya hi leswi xahakuswi djondzaka. — Lk 6:46-49

• Bulisana na xona hi musa hi xifaniso xa Yesu xa muhaxi wa mbewu, u gama uxi kombela leswaku xi hlamusela leswingahaxi pfalelaka kuyendla nhluvuku. — Mt 13:18-23

• Hi xichavo, xi hlamuseli leswaku hayini u lava kunyima kudjondza na xona

• Xi tivisi leswaku uta pfa xi yendzela leswaku uxi khutaza ni leswaku u pfulekile kusungulisa djondzo na xona loko xo kombisa leswaku xaswi lava kuyendla nhluvuku minkama leyi taka

HLALELA VHIDIYO, U GAMA U HLAMULA SWIVUTISO LESWI LANDZELAKA:

• I yini leswi uswi voneke ka mabulu leswi kombaka leswaku xidjondzo axinga yendli nhluvuku?

• Xana muchumayeli axi pfunise kuyini xidjondzo xa yena leswaku xi twisisa leswaku xi fanele xi yendla nhluvuku?

• Xana muchumayeli aswi kombise kuyini leswaku a pfulekile kuva a tlhela a sungulisa djondzo loko xidjondzo xiswi tsakela?