17 Ku Ya Ka 23 Ka Março
SWIVURISO 5
Lisimu 122 Ni Xikhongelo | Marito Ya Ku Pfula (1 min.)
1. Fambela Kule Ni Wuntunga La Swa Masangu
(10 min.)
Minkama yin’wani swi nga ha navetisa ku yendla wuntunga la swa masangu (Swiv 5:3; Murindzi-TS 15/07/00 paj. 29 par. 1)
Loko hi yendla wuntunga la swa masangu hi ta humeleliwa hi swilo swa ku biha (Swiv 5:4, 5; Murindzi-TS 15/07/00 paj. 29 par. 2)
Fambela kule ni wuntunga la swa masangu (Swiv 5:8; Murindzi-TS 15/07/00 paj. 29 par. 5)
Makwerhu wa xisati na a yala ku nyika djaha numeru ya yena ya telefoni
2. Lavetela Xuma Ka Rito La Xikwembu
(10 min.)
-
Swiv 5:9 — Loko munhu a yendla wuntunga la swa masangu a ‘tisusa lisima.’ Hi ndlela yini? (Murindzi-TS 15/07/00 paj. 29 par. 7)
-
U djondze yini nkama na u lerha Bibele vhiki leli?
3. Ku Lerha Bibele
(4 min.) Swiv 5:1-23 (Tinyiketeli, djondzo 5)
4. Ku Sungula Mabulu
(3 min.) KU CHUMAYELA LANI KU NGA TALA VANHU. Rhamba munhu lweyi a kalaka a nga kholwi ka Yesu leswaku a va kona ka Xitsundzuxu. Tirhisa site la jw.org leswaku u kuma Yindlo ya Wugandzeli leyi nga kusuhi ni lani yena a tshamaka kona. (Rhandza Vanhu, djondzo 6 pontu 4)
5. Ku Yendla Marevhizita
(4 min.) KU CHUMAYELA HI MUNTI NI MUNTI. Ka bulu leli mi nga va na lona ka khambi li nga hundza, n’winyi wa munti a yamukele xirhambu xa ku va kona ka Xitsundzuxu naswona a kombise ku tsakela. (Rhandza Vanhu, djondzo 9 pontu 5)
6. Ku Djondzisa Vanhu Bibele
(5 min.) Tikhorisi djondzo 16, leswi hi nga swi djondza, ku kambela leswi hi nga swi djondza ni lani ku nge zama ku yentxa leswi. Lweyi u djondzaka na yena Bibele a ku vutisa kumbe Yesu a a chadile. Mu kombi swaku a nga yendlisa ku yini pexkiza leswaku a kuma nhlamulu hi yexe. (Rhandza Vanhu, djondzo 11 pontu 4)
Lisimu 121
7. U Nga Yendla Yini Leswaku U Fambela Kule Ni Wuntunga La Swa Masangu Nkama U Namoraraka?
(15 min.) Dixkursu leli nga ni mabulu ni vayingiseli.
Wanuna ni wansati lava va kombanaka swaku va rhandzana va tlhela va heta nkama wa wunyingi na va li xikan’we, vo namorara. Vanhu va vanyingi va kombana swaku va rhandzana ka tindhawu ta ku tala hi vanhu kumbe na va li voxe; van’wani a va chavi ku voniwa kasi van’wani va swi yendla na va nga voniwi hi munhu. Van’wani va kombana swaku va rhandzana loko va li xikan’we ka ndhawu ya yin’we, kasi van’wani va swi yendla hi telefoni kumbe hi ku tsalelana mamensaji. Kambe ka hina Vakreste, ku namorara a hi nchumu wawutsongo wa ku tlanga hi wona, kambe i wa lisima swinene hikusa wu pfuna wanuna ni wansati leswaku va tivana kahle na va nge se boha ku chada xikan’we. A hi voneni leswi swi nga pfunaka lava va namoraraka, ku nga na mhaka swaku va ha li majovhem kumbe se va kulile leswaku va fambela kule ni wuntunga la swa masangu. — Swiv 22:3.
Sixtirani VHIDIYO leli nge: Ku Tilunghiselela Swaku U Chada — Parti 1: Indjhe Ni Nga Sungula Ku Namorara? — Xiyenge, mi gama mi bula hi swivutiso leswi landzelaka:
-
Hi mhaka muni munhu a fanele a namorara loko se a lunghekele ku chada? (Swiv 13:12; Luk 14:28-30)
-
Ka vhidiyo, i mpsini leswi swi nga ku tsakisa ka ndlela leyi vapsali va nga pfuna hi yona n’wana wa vona?
Lerhani Swivuriso 28:26, mi gama mi bula hi swivutiso leswi landzelaka:
-
Hi mhaka muni swi li swinene kuva lava va namoraraka va bula hi leswi va nga swi yendlaka leswaku va nga tshami voxe ka ndhawu leyi a swi ta va vevukela kuva va yendla wuntunga la swa masangu?
-
Hi mhaka muni ku li wutlharhi kuva lava va namoraraka va bula hi leswaku i mpsini leswi va nga swi yendlaka kumbe leswi va kalaka va nga fanelanga va swi yendla kuva va kombana swaku va rhandzana, swa ku fana ni ku khomana mavoko kumbe ku bejarana?
Lerhani Vaefeza 5:3, 4, mi gama mi bula hi xivutiso lexi landzelaka:
-
Lava va namoraraka va fanele va tivonela ka yini nkama lowu va bulaka hi telefoni kumbe hi interneti?
8. Djondzo Ya Bibele Ya Bandla
(30 min.) Wufakazi, ndz. 24 mapar. 1-6
