MAHANYELO YA HINA VAKRESTE
Tirhisa Broxura Ni Buku Leli Nge Tikhorisi Hi Wutomi La Ku Kala Li Nga Heli Loko U Chumayela
Swa tsakisa ku va ni broxura ni buku la nyuwani leli hi nga ta li tirhisa swaku hi djondza ni vanhu Bibele. Hi khongelela swaku Yehovha a katekisa minzamu ya hina ya ku yentxa vadjondzisiwa. (Mt 28:18-20; 1Ko 3:6-9) Se hi nga li tirhisisa ku yini broxura ni buku leli la nyuwani?
Matirhiselo ya broxura ni buku leli la nyuwani loko hi djondzisa Bibele ma hambanile ni lawa se hi nga ma tolovela. Vona swilo leswi nga ku pfunaka ku tiva leswi u nga tilunghiselelisaka xiswona: *
-
Lerha hinkwaswu leswi mi nga ta djondza hi swona u tlhela u tirhisa swivutiso swaku u bula ni lweyi u djondzaka na yena
-
Lerha na yena Matsalwa hinkwawu lawa va nga tsala swaku “lerha”, u tlhela u mu pfuna a twisisa swaku ma twananisa ku yini ni mhaka leyi mi bulaka ha yona
-
Mu kombi mavhidiyo u tlhela u bula na yena hi wona hi ku tirhisa swivutiso
-
Loko mi djondza, zama ku heta djondzo hinkwayu leyi mi nga ka yona
Loko u chumayela, rhanga hi ku nyika n’winyi wa munti broxura na u nge se mu nyika buku kuva u vona swaku wa swi lava ku djondza ke. (Vona kwadru leli nge“ U Nga Li Nyikelisa Ku Yini Broxura Leli Nge Tikhorisi Hi Wutomi La Ku Kala Li Nga Heli Loko U Bula Ni Munhu Hi Khambi La Ku Sungula?”) Loko mi heta ku djondza broxura u tlhela u vona swaku lweyi u djondzaka na yena wa swi tsakela, mu nyike buku u gama u sungula ku djondza na yena ka djondzo 04. Loko ku li swaku ku ni lweyi u djondzaka na yena hi buku leli nge Djondza ka Bibele kumbe leli nge Tama U Rhandza Xikwembu, tekela ku txintxa mi ya ka leli nge Tikhorisi Hi Wutomi La Ku Kala Li Nga Heli. A swi lavi mi sungula ka djondzo ya ku sungula, zama ku vona djondzo leyi mi nga sungulaka ka yona hi ku ya hi swaku lweyi u djondzaka na yena a swi twisisa ku fikela kwini leswi mi swi djondzaka ni swaku a mu rhandza ku fikela kwini Yehovha.
SIXTIRA VHIDIYO LELI NGE HA KU HOYOZELA KA DJONDZO YA WENA YA BIBELE, U GAMA U HLAMULA SWIVUTISO LESWI:
-
I yini leswi lava hi djondzaka na vona Bibele va nga ta swi djondza ka buku leli la nyuwani?
-
Hi mhaka muni swi li swa lisima ku komba lava hi lavaka ku djondza na vona Bibele vhidiyo leli?
-
I yini leswi hi faneleke hi pfuna lava hi djondzaka na vona Bibele swaku va swi yentxa? — Vona kwadru leli nge “ Leswi U Nga Ta Swi Kuma Ka Buku Leli”
^ par. 4 NTLHAMUSELO: Loko u djondza ni munhu hi buku leli, swi le ka wena swaku u ta yi tirhisa ndhawu leyi nge: “Loko U lava Ku Tiva Swin’wana”, kambe u fanele u tilunghiselela u tlhela u sixtira mavhidiyo lawa ma nga kombisiwa ka ndhawu leyi. Leswo swi ta ku pfuna ku tiva swaku u ta yi tirhisa ndhawu leyi kumbe ihim. Loko u baxare buku leli ka telefoni, thableti kumbe komputadori u ta kuma malink ya mavhidiyo ni swilo swin’wana.
|
LESWI U NGA TA SWI KUMA KA BUKU LELI |
|||
|---|---|---|---|
|
DJONDZO |
LESWI U NGA SWI YENTXAKA |
LESWI XIDJONDZO XI FANELEKE XI SWI YENTXA |
|
|
01-12 |
Vona leswi Bibele li nga ku pfunisaka xiswona ka wutomi la wena ni swaku li nga ku pfunisa ku yini kuva u va munghanu wa Yehovha Mutsali wa lona |
Pfuna lweyi u djondzaka na yena Bibele swaku a lunghiselela djondzo a tlhela a sungula ku ya mintlhanganwini |
|
|
13-33 |
Vona leswi Xikwembu xi hi yentxelaka swona ni leswi hi faneleke hi swi yentxa swaku xi yamukela ntirho lowu hi xi yentxelaka wona |
Pfuna lweyi u djondzaka na yena Bibele swaku a byela van’wana hi leswi a swi djondzaka a tlhela a va muchumayeli |
|
|
34-47 |
Vona leswi hi nga swi yentxaka swaku hi tsakisa Xikwembu |
Pfuna lweyi u djondzaka na yena Bibele swaku a tinyiketela ka Yehovha a tlhela a tsakamisiwa |
|
|
48-60 |
Vona leswi u nga swi yentxaka swaku u tama u rhandza Xikwembu |
Pfuna lweyi u djondzaka na yena Bibele swaku a tiva ku hambanisa swa swinene ni swa ku biha a tlhela a kulisa wunghanu la yena na Yehovha |
|
