Swa ku tsakisa ku tirhisa mavhidiyo ni swivutiso leswi nga ka buku leli nge: Tikhorisi Hi Wutomi La Ku Kala Li Nga Heli? Ku nga va swaku wa tsaka hi ku tirhisa makwadru lama nge: “Van’wana Va Li,” “Zama Ku Yentxa Leswi” ni “Loko U Lava Ku Tiva Swin’wana”? Kasi impsini swin’wana leswi nga ku pfunaka loko u djondza ni vanhu Bibele? — Mt 28:19, 20.

Mavhidiyo: Loko buku leli u li tirhisaka li nga li ka telefoni, u nga yentxa yini swaku u kuma mavhidiyo hinkwawu hi ku vevuka? Famba ka buku la wena leli nga ka telefoni, u ya lani ku gamaka xiyenge xin’wana ni xin’wana u ya deketa lani ku nge: Marevhixta Ni Mavhidiyo, xi ta ku humesela mavhidiyo hinkwawu ya xiyenge xolexo swaku u baxara. (Vona mufoto 1.)

“Edição Impressa”: Loko buku leli u li tirhisaka swaku u djondza ni munhu li li ka telefoni, swi nga va kahle kuva u tirhisa “Edição Impressa.” Swaku u kuma ndhawu leyi ka JW Library, rhanga hi ku pfula djondzo leyi mu nga ka yona, u gama u ya deketa ka 3 wa tipontu leti nga tlhelweni ka nhlokomhaka. Loko se u ti deketile, yana lani ku nge Edição Impressa. Leswo swi ta ku pfuna ku vona leswi djondzo hinkwayu yi nga tshamisa xiswona ni swaku leswi nga ta djondziwa swi twananisa ku yini ni nhlokomhaka. Swaku u txintxa, tlhela u deketa 3 wa tipontu, u gama u ya ka “Edição Digital.”

“Ni Lunghekile?”: A makwadru lawa, ma kombisa leswi munhu a faneleke a swi yentxa swaku a kota ku sungula ku chumayela ni bandla a tlhela a tsakamisiwa. (Vona mufoto 2.)

Tintlhamuselo: Ka ndhawu leyi, ku nyikeliwa ntlhamuselo wa timhaka ta lisima leti kumekaka ka buku. Magamu ka ntlhamuselo wun’wana ni wun’wana ku tsaliwe djondzo leyi mhaka yoleyo yi kumekaka ka yona, se loko u yi deketa yi ta ku tlhelisela ka djondzo yoleyo. (Vona mufoto 2.)