LESWI LAHLEKEKE NI KU THUMBIWA Swilo hinkwaswu leswi thumbiweke swi fanele swi yisiwa ka Departamentu la Leswi Lahlekeke ni Kuthumbiwa. Loko u lahlekeliwe hi xokarhi, yana ka departamentu leyi leswaku u ya kamba swilo swa wena. Vana lava lahlekelaneke ni vapsali va vona va fanele va yisiwa ka ndhawu leyi. Hambileswo, hi kombela leswaku mi hlayisa vana va n’wina naswona mi tshama na vona leswaku hinga karhateki.

MINYIKELO Kutirhisiwe mali yotala kulunghiselela ndhawu leyi yeneleke yotshama, michini yokulisa maritu, switirhisiwa swa mavhidiyo ni mintirho yin’wana yotala leyi yendlaka leswaku hiswi tsakela kuva ka kongresu leyi ni kuhi pfuna leswaku hi tshinela ka Yehovha. Minyikelo ya n’wina ya kuti rhandzela yi pfuneta leswaku kuhakeliwa swilo leswi ni kupfuneta ka ntirho wa misava hinkwayu. Leswaku swiku nabyalela kunyikela, ku ni makaxa lama vekiweke atindhawini to hambanahambana laha ka nhlengeletanu leyi. Minyikelo hinkwayu ya khensiwa swinene naswona Ntlawa Lowu Rhangelaka wama khensa malunghiselelo lawa uma yendlaka leswaku u seketela swilaveko swa Mfumu.

NTIRHO WA KUTI RHANDZELA Loko u tsakela kupfuneta ka mintirho yo hambanahambana ka kongresu leyi, hi kombela u tivisa Departamentu ya Vatirhi va Kuti Rhandzela.

NTSAKAMISO Switshamu leswi hlayiseliweke lava yaka kutsakamisiweni swita vekiwa phambeni ka palku, kambe loko swingali tanu, swita tivisiwa. Lava yaka kutsakamisiweni va fanele va tshama ka ndhawu leyi va vekeliweke yona nkulumi ya ntsakamiso yinga se sungula hi Sábado nimixo. Mun’wana ni mun’wana a fanele a ta ni thawula naswona a yambala mpahla leyi xiximekaka loko a ya kutsakamisiweni.

SWITSHAMU Hi kombela u yanakanyela van’wana. Khumbuka, switshamu kumbe ndhawu yotshama swi fanele swi vekeliwa ntsena swirho swa ndjangu wa wena ni lava u taka na vona amovheni, lava u tshamaka na vona akaya kumbe lava u djondzaka na vona Bibele. Hi kombela leswaku unga veki swilo aswitshan’wini kumbe atindhawini leti ungata kala ungati tirhisi.

VAKONGOMISI Vakongomisi va vekiwe leswaku vaku pfuna. Hi kombela leswaku u tirhisana kahle na vona, u yingisa nkongomisu wa vona mayelana ni ndhawu ya kuveka movha, kukongomisa ntshungu, kuvekela van’wana ndhawu ya ku tshama ni timhaka tin’wana.

XILAMULELA NGHOZI Khumbuka leswaku u ya kona NTSENA loko u lava ku dahiwa swa XIHANTLA.

XIKOLA XA VACHUMAYELI VA MFUMU Maphayona lamanga ka malembe ya 23 kuya ka 65 lama navelaka kuyengetela ntirho wa wona wa kuchumayela ma kombeliwa leswaku maya ka nhlanganu wa lava lavaka kuya Xikolweni xa Vachumayeli va Mfumu hi Domingo ninhlikanhi. A nkama ni ndhawu ya nhlanganu swita tivisiwa.