Xana u tshama u byeliwa xihundla? — * Bibele livulavula hi xihundla xa lisima lexi vuliwaka “xihundla xokwetsima.” Xa kwetsima hikusa xita hi ka Xikwembu. Naswona i xihundla hikusa vanhu avanga xitivi. Hambi tintsumi ati lava kuxi tiva. Xana waswi lava kutiva xihundla xa kona? —

Khale ka khaleni, Xikwembu xi vumbi wanuna wosungula ni wansati, Adamu na Eva. Xikwembu xiva nyike kaya la kusaseka swinene leli ali vitiwa Jaradi la Edeni. Loko Adamu na Eva avaxi yingisile Xikwembu, vona ni vana va vona avatava vayendle misava hinkwayu yiva ndhawu ya kusaseka kufana ni Jaradi la Edeni. Naswona avata hanya hilaha kungaheliki. Kambe wa khumbuka leswi Adamu na Eva vaswi yendleke? —

Adamu na Eva avaxi yingisanga Xikwembu. I hi mhaka yoleyo misava yingaliki ndhawu ya kusaseka namuntlha. Kambe Xikwembu xivula leswaku xita tlhela xi yendla misava yiva ndhawu ya kusaseka, naswona vanhu vata hanya hilaha kungaheliki na va tsakile. Xana Xikwembu xitaswi yendlisa kuyini leswo? Khale vanhu avangaswi tivi hikusa akuli xihundla.

Nkama lowu Yesu angata la misaveni, a djondzise vanhu hi xihundla xolexo. Avule leswaku xihundla xolexo akuli Mfumu wa Xikwembu. Yesu a byele vanhu leswaku va khongela kuva Mfumu lowu wuta. Mfumu lowu, wuta yendla misava yiva ndhawu ya kusaseka.

Swiku tsakisile kutiva xihundla lexi? — Kambe khumbuka leswaku i vanhu lava yingisaka Yehovha ntsena vangata hanya ka ndhawu yoleyo ya kusaseka. Bibele lihi byela hi marungula ya vavanuna ni vavasati lavanga yingisa Yehovha. Awuswi lavi kudjondza hi vona? — Ahi voni leswaku i vamani naswona hinga fana na vona hi ndlela yihi.