KU SUNGULA MABULU
DJONDZO 2
Vulavula Na Swi Sukela Mbilwini
Bibele li li: “Rito leli vuliwaka hi nkama wa kona li tsakisa ndjhani!” — Swiv. 15:23.
I Mpsini Leswi Filipi A Nga Swi Yendla?
1. Sixtira VHIDIYO, kumbe u lerha Mintirho 8:30, 31. U gama u hlamula swivutiso leswi landzelaka:
Hi Djondza Yini Ka Leswi Filipi A Nga Swi Yendla?
2. Loko hi vulavula na swi suka mbilwini, munhu lweyi hi bulaka na yena a ta titwa na a chunsekile a tlhela a lava ku bula na hina.
Tekelela Xikombiso Xa Filipi
3. Tirhisa leswi u swi vonaka. U nga tiva swa swinyingi hi lweyi u bulaka na yena hi ku languta kara la yena ni mavulavulelo ya yena. Zama ku vona swaku lweyi u bulaka na yena wa swi lava ku bula na wena kumbe a nga swi lavi. U nga ha sungula mabulu ya Bibele hi ku mu vutisa u ku: “Indjhe a wu swi tiva swaku . . . ?” U nga sindzisi ku bula ni munhu lweyi a kalaka a nga swi lavi ku bula na wena.
4. Lehisa mbilu. Loko u sungula ku bula ni munhu u nga pimisi swaku u fanele u tekela ku vulavula hi Bibele hi nkama wolowo, nyimela nkama wawunene leswaku u ta vulavula hi Bibele na swi sukela mbilwini. Minkama yin’wani swi nga ha lava u nyimela khambi leli taka leswaku u vulavula hi Bibele ni munhu yelweyo.
5. Titwananisi ni swiyimu. Munhu lweyi u bulaka na yena a nga ha vulavula hi swilo swaku a wu nga swi lunghiselelanga. Se tinyimiseli ku bula hi leswi nga ta mu tsakisa, hambiloko swi lava mi bula hi mhaka yin’wani ya Bibele ya ku hambana ni leyi a wu yi lunghiselelile.