KU SUNGULA MABULU
DJONDZO 5
Vulavula Kahle, Hi Xihlonipho
Bibele li li: “Marito ya n’wina ma fanele ma nandziha nkama hinkwawu”. — Kol. 4:6.
I Mpsini Leswi Pawulo A Nga Swi Yendla?
1. Sixtira VHIDIYO, kumbe u lerha Mintirho 17:22, 23. U gama u hlamula swivutiso leswi landzelaka:
-
Pawulo a titwise ku yini hi wukhongeli la mavunhwa leli a li li kona Atena? — Vona Mintirho 17:16.
-
Handle ka kuva a sola vanhu va Atena, Pawulo a swi tirhisise ku yini leswi a va kholwa ka swona swaku a va chumayela mahungu ya ku tsakisa?
Hi Djondza Yini Ka Leswi Pawulo A Nga Swi Yendla?
2. Swa vevuka kuva vanhu va hi yingisela loko hi pimisa kahle hi leswi hi nga ta swi vula, leswi hi nga ta swi vulisa xiswona ni nkama lowu hi nga ta swi vula hi wona.
Tekelela Xikombiso Xa Pawulo
3. Langa kahle marito lawa u nga ta ma tirhisa. Hi xikombiso, loko u vulavula ni munhu lweyi a kalaka a nga li Mukreste pimisa kahle hi leswi u nga ta vulavulisa xiswona hi Bibele kumbe hi Yesu.
4. U nga tsutsumeli ku mu komba swaku a phazamile. Mu tshiki a tiphofula na a chunsekile. Loko a vula nchumu lexi kalaka xi nga fambisani ni Bibele, u nga phikizani na yena. (Yak. 1:19) Loko u mu yingisela u ta twisisa leswi a swi kholwaka ni swaku hi mhaka muni a kholwa ka swilo swoleswo. — Swiv. 20:5.
5. Pfumelelana na yena u tlhela u mu khensa loko swi koteka. Swi nga yendleka yena a pimisa swaku leswi a kholwaka ka swona i ntiyiso. Ku sungula zama ku bula na yena hi leswi wena na yena mi pfumelelanaka ka swona, u gama u mu pfuna ku twisisa leswi Bibele li swi djondzisaka.
