Ka hinkwavu lava rhandzaka Yehovha Xikwembu ni Rito la yena kunga Bibele:

Yesu a te: “Mitativa ntiyiso, kutani ntiyiso wutamintshunsa.” (Yohane 8:32) Pimisa hi ndlela leyi unga titwa hi yona nkama lowu unga djondza Bibele! Swi tsakisile swinene kutiva leswaku ka misava leyi taleke hi wukanganyisi, swa koteka kuva hi djondza ntiyiso. — 2 Timotiya 3:1.

Yehovha Xikwembu a lava leswaku hi tiva ntiyiso. Leswi hi rhandzaka vanhu, hi lava kuva byela hi Yehovha. Kambe kutirhela Yehovha aswi katsi leswo ntsena. Hi fanele hi yendla minzamu hinkwayu kuva hi hanya tani hi Vakreste hikusa hi hlonipha matshinya ya minawu ya Yehovha hi mbilu ya hina hinkwayu. Yesu ahi hlamusele ndlela ya lisima leyi hinga kombisaka hi yona ka Xikwembu leswaku haxi rhandza. A te: ‘Loko mihlayisa milawu ya mina, mitatshama alirhandzwini la mina, hilaha na mina nihlayiseke milawu ya Tatana wa mina, kutani nitshama alirhandzwini la yena.’ — Yohane 15:10.

Yesu amu rhandza swinene B’ava wa yena, naswona a yendla hinkwaswu leswi amu rhumaka swona. Loko hi tekelela Yesu ka ndlela leyi hi hanyaka hi yona, Yehovha atahi rhandza naswona hita va ni ntsaku wa ntiyiso. Yesu a te: ‘Loko mitiva swilo leswi, mitlhela miswiyendla, mitava mikatekile.’ — Yohane 13:17.

Hi navela leswaku buku leli liku pfuna kuva u hanya hi ntiyiso wa Bibele naswona liku pfuna leswaku u va munghanu wa Xikwembu. Hi khongelela leswaku lirhandzu la wena hi Xikwembu li ya li tiya swinene naswona u tshama ‘lirhandzwini la Xikwembu . . . leliyisaka vuton’wini lelingaheliki.’ — Yudha 21.