Ku Feliwa
Hi swini swikombiso swa Bibele leswi kombisaka swaku a swi bihanga ku vaviseka loko hi feliwile?
I mpsini swi kombisaka swaku Yehovha a swi lava hintamu ku tiyisa lava nga feliwa?
Ku tiva ntiyiso hi lava nga fa swi hi tiyisisa ku yini?
-
Swikombiso swa le Bibeleni leswi nga ku pfunaka:
-
Luk 20:37, 38 — Leswaku Yesu a hi tiyisekisa leswaku ku pfuxiwa ka vafi ku ta va kona, a tlhamusele leswaku ka Yehovha lava nga fa swi fana ni loko va ha hanya
-
Yoh 11:5, 6, 11-14 — Nkama munghanu wa yena Lazaru a nga fa, Yesu a fanise lifu ni ku yetlela
-
Heb 2:14, 15 — Mupostolo Pawulo a tlhamusele leswaku a hi fanelanga hi chava ku fa
-
Ka Yehovha, hi mhaka muni siku leli munhu a faka hi lona li yampsa ku tlula leli a psaliwaka hi lona?
I mpsini leswi Bibele li swi vulaka hi lifu naswona i mpsini leswi Yehovha a nga ta swi yendla hi lona?
I ntxini xi hi tiyisekisaka swaku lava nga fa va ta pfuxiwa hikakunene ka nkama lowu taka?
Esa 26:19; Yoh 5:28, 29; Min 24:15
-
Swikombiso swa le Bibeleni leswi nga ku pfunaka:
-
Bibele li vulavula hi 9 wa vanhu lava nga pfuxiwa, kambe ka vanhu volavo, 8 wa vona va pfuxiwile swaku va hanya lani misaveni. Ku djondza hi vanhu volavo va nga pfuxiwa swi nga ku tiyisa loko ku li swaku u feliwile hi munhu lweyi u mu rhandzaka
-
1Tih 17:17-24 — Muprofeta Eliya a pfuxe n’wana wa wansati wa ku feliwa hi nuna wa le Sarepta, ku nga doropa leli kumekaka Sidoni
-
2Tih 4:32-37 — Muprofeta Elixa a pfuxile xidjahatana xa Xunemi a gama a xi tlhelisela ka vapsali va xona
-
2Tih 13:20, 21 — Wanuna mun’wani lweyi a a file a tlhele a pfuka hileswi ntsumbu wa yena wu nga ya wu ya khumba marhambu ya muprofeta Elixa
-
Luk 7:11-15 — Na a li ka doropa la Nayini, Yesu a vone xitshungu lexi a xi ya ku lahleni ka djaha leli a li li n’wana wa wansati lweyi a a feliwe hi nuna; Yesu a mu twele wusiwana wansati lwiyani a gama a pfuxa n’wana wa yena
-
Luk 8:41, 42, 49-56 — Yesu a pfuxe xintombhani lexi a xi li n’wana wa Yayiro lweyi a a li murhangeli wa Sinagoga
-
Yoh 11:38-44 — Yesu a pfuxe munghanu wa yena Lazaru naswona leswo swi yendle swaku vamakwavu va yena Marta na Mariya va tsaka hintamu
-
Min 9:36-42 — Mupostolo Pawulo a pfuxe Dorkasi, ku nga Mukreste lweyi a a rhandziwa hintamu a tlhela a tiviwa hi ku rhandza ku pfuna vanhu van’wani
-
Min 20:7-12 — Mupostolo Pawulo a pfuxe djaha leli vitaniwaka Yutiku, leli nga fa nkama li nga wa hi ka janela
-
-
Yehovha a pfuxe Yesu swaku a ya hanya amatilweni na a ni muzimbha wa ku kala wu nga fi; leswo swi hi tiyisekisa swaku switshembiso hinkwaswu swa Xikwembu swi ta hetiseka
-
Yesu a ve wa ku sungula ku pfuxiwa swaku a ya hanya tilweni na a ni muzimbha wa ku kala wu nga fi, kambe a nga vanga wa wugamu. Vatotiwa lava 144.000 na vona va pfuxiwa va ya tilweni na va ni muzimbha wa ku kala wu nga fi
-
Hi nga va pfunisa ku yini lava twaka ku vava hi mhaka leswi va nga feliwa?