Ku Patsa Wukhongeli La Ntiyiso Ni La Mavunhwa
Ku nga va swaku vanhu hinkwavu lava va tivulaka swaku i vakhongeli va gandzela Xikwembu xa xin’we?
Ku nga va swaku Bibele li djondzisa swaku Yehovha wa li yamukela wukhongeli hinkwalu hambileswi li djondzisaka swilo swa ku hambana?
Mat 7:13, 14; Yoh 17:3; Efe 4:4-6
-
Swikombiso swa le Bibeleni leswi nga ku pfunaka:
-
Yox 24:15 — Yoxuwa a vule swaku hi fanele hi langa swaku hi ta gandzela Yehovha kumbe swikwembu swin’wani
-
1Tih 18:19-40 — Yehovha a tirhise muprofeta Eliya kuva a kombisa swaku lava va gandzelaka Xikwembu xa ntiyiso a va fanelanga va gandzela swikwembu swin’wani swa ku fana na Bali
-
Yehovha a swi vonisa ku yini swikwembu swa mavunhwa naswona a titwisa ku yini loko vanhu va swi gandzela?
Yehovha a titwisa ku yini hi vanhu lava va tibyelaka swaku va gandzela yena kambe va peta swilo leswi a kalaka a nga swi yamukeli ka wugandzeli la vona?
Esa 1:13-15; 1Ko 10:20-22; 2Ko 6:14, 15, 17
-
Swikombiso swa le Bibeleni leswi nga ku pfunaka:
-
Eks 32:1-10 — Hi ku sindzisiwa hi xitshungu Aroni a yendle xifaniso xa xihon’wani lexi va nga xi tirhisa ka fexta leli a va ku i “fexta la Yehovha” naswona leswo swi yendle swaku Yehovha a va kwatela hintamu
-
1Tih 12:26-30 — Leswi Hosi Yerobuwamu a a nga swi lavi swaku xitshungu xi ya ka tempele leyi a yi li Yerusalema, a yendle xifaniso lexi a a ku xi nyimela Yehovha naswona leswo swi yendle swaku xitshungu xi djoha
-
Yehovha a va byele yini Vayisrayele hi ku tipatsa ni vanhu lava gandzelaka swikwembu swa mavunhwa?
Yehovha a yendle yini nkama lowu vanhu va yena va nga tekelela mahanyelo ya wukhongeli la mavunhwa?
Vay 10:6, 7; Ps 106:35-40; Yer 44:2, 3
-
Swikombiso swa le Bibeleni leswi nga ku pfunaka:
-
1Tih 11:1-9 — Hosi Solomoni a kwatise Yehovha hi mhaka ya leswi a nga pfumela ku xengeteliwa hi vasati va yena lava a va ta hi ka matiko man’wani, a sungula ku gandzela swikwembu swa mavunhwa a tlhela a kutxa xitshungu swaku na xona xi gandzela swikwembu swa mavunhwa
-
Ps 78:40, 41, 55-62 — Azafi a tlhamusele swaku Yehovha a kwatele Vayisrayele a tlhela a va tsukula hileswi va nga tshika ku mu yingisa va ya gandzela swikwembu swa mavunhwa
-
Ku nga va swaku Yesu a a seketela tidjondzo ta wukhongeli la mavunhwa leti a ti nga fambisani ni Rito la Xikwembu?
-
Swikombiso swa le Bibeleni leswi nga ku pfunaka:
-
Mat 16:6, 12 — Yesu a tlhamusele swaku tidjondzo leti Vafarisi ni Vasaduki a va ti djondzisa a ti fana ni fermentu, hikusa ku fana ni leswi fermentu li kukumukisaka farinya, tidjondzo toleto a ti hangalaka hi ku hantlisa ti chimisa mintiyiso ya ku basa leyi nga ka Rito la Xikwembu
-
Mat 23:5-7, 23-33 — Yesu a ma sole swinene mahanyelo ya wukanganyisi ni tidjondzo ta mavunhwa leti vatsali ni Vafarisi a va ti djondzisa
-
Mar 7:5-9 — Yesu a sole vatsali ni Vafarisi hileswi a va ma nyika lisima mavonelo ya vanhu, va tshika ku hlonipha Rito la Xikwembu
-
Ku nga va swaku Yesu a a lava swaku vadjondzisiwa va yena va yavana, va va ka wukhongeli la ku hambanahambana?
-
Swikombiso swa le Bibeleni leswi nga ku pfunaka:
-
Yoh 15:4, 5 — Yesu a vulavule hi nsinya wa mawuvha leswaku a tlhamusela swaku vadjondzisiwa va yena va fanele va twanana na yena ni Vakreste van’wani
-
Yoh 17:1, 6, 11, 20-23 — Ka wusiku la yena la wugamu na a nga se dlayiwa, Yesu a khongelele swaku vadjondzisiwa va yena va twanana
-
Ku nga va swaku Vakreste va ku sungula a va kholwa ka swilo swa swin’we naswona a va gandzela Yehovha hi ndlela ya ku fana?
-
Swikombiso swa le Bibeleni leswi nga ku pfunaka:
-
Min 11:20-23, 25, 26 — Mabandla ya le Antiyokiya ni ya Yerusalema a ma twanana naswona a ma tirhisana kahle
-
Rom 15:25, 26; 2Ko 8:1-7 — Mabandla ya minkameni ya vapostolo ma kombise swaku a ma twanana hikusa a ma rhandzana ma tlhela ma pfunana loko swi laveka
-
Ku nga va swaku Xikwembu xi yamukela wukhongeli hinkwalu leli vulaka swaku li ni lipfumelo ka Kreste?
Ku nga va swaku loko wukhongeli li nga landzeli leswi Yesu ni vapostolo va nga swi djondzisa li nga yamukelaka ka Xikwembu?
-
Swikombiso swa le Bibeleni leswi nga ku pfunaka:
-
Mat 13:24-30, 36-43 — Hi ku tirhisa xifaniso lexi, Yesu a djondzise swaku ku fana ni leswi mfava wu kulaka wu tlhela wu tata nsimu hinkwayu, Vakreste va mavunhwa a va ta nghena ka bandla la Wukreste
-
1Yo 2:18, 19 — Mupostolo Yohani lweyi se a a gugile a vule leswaku vanhu va vanyingi lava a va lwa na Kreste se a va li kona ndzeni ka bandla kolomuyani ka 100 wa malembe na Yesu se a psaliwile
-
Ku yendleka yini loko mahanyelo ya ku biha ni tidjondzo ta mavunhwa swi pfumeleliwa abandleni?
Vakreste va fanele va yendla yini leswaku va tama va twanana?
Hi mhaka muni Vakreste va nga fanelanga va tipeta ka wukhongeli la mavunhwa?
Hi mhaka muni swi li swa lisima naswona swi li swinene ku pfuna vanhu leswaku va tiva tidjondzo ta wukhongeli leti kalaka ti nga li ta ntiyiso?
Hi mhaka muni swi nga fanelanga swi hi hlamalisa loko vanhu lava lumbaka wukhongeli la mavunhwa va hi hlasela va tlhela va hi xanisa?
Ni Mhaka Leyi Yi Ta Ku Tsakisa
HI TIVI
Kombela Ku Yendzeliwa Hi Timboni Ta Yehovha
Vona swivutiso leswi Bibele li swi hlamulaka, kumbe u djondza swilo swaswinyingi hi Timboni ta Yehovha.
