“Matsalwa hinkwawu ma huma ka Xikwembu.” — 2 Timotiya 3:16, Wuhundzuluxeli La Misava Ya Nyuwani.

U ta kuma tinhlamulu ta swivutiso swa ku fana ni lexi nge: Hi hanyela yini? Kumbe lexi nge: Hi mhaka muni hi hlupheka? — Swivuriso 2:1-5.

Bibele li ta ku pfuna swaku u yendla swiboho swaswinene siku ni siku. — Tipisalema 119:105.

U ta djondza swaku Xikwembu xi lava ku ku nyika wutomi la ku tsakisa ni ntshembo. — Varoma 15:4.

Ina, vona swivangelo swinharhu:

• Bibele a li tikaneti. Bibele li teke kolomu ka 1.600 wa malembe na li tsaliwa hi kolomu ka 40 wa vavanuna. Ku tala ka vavanuna lava va nga li tsala a va nga tivani, kambe leswi va nga swi tsala a swi kanetani. Bibele hi loxe a li lwisani ka leswi li swi vulaka naswona li vulavula hi mhaka yoleyi ya yin’we.

• Li tlhamusela swilo swa ntiyiso. Vanhu va tolovela ku kala va nga vulavuli hi swihoxo swa vona. Kambe lava nga tsala Bibele, va tsale hambi hi swihoxo swa vona, swa xitshungu ni swa lava a va rhangela. — 2 Tikronika 36:15, 16; Tipisalema 51:1-4.

• Leswi Bibele li swi vulaka minkama hinkwayu swa yendleka. Hi xikombiso, Bibele a li vule swaku doropa la Babilona a li ta helisiwa. Li tlhele li vula vito la lweyi a a ta rhangela ka ku helisiwa ka doropa la Babilona. Phela mhaka leyi yi vuliwe na ka ha chota kolomu ka 200 wa malembe swaku yi yendleka. — Esaya 13:17-22; 45:1-3.

  Ku ni minchumu yin’wani leyi Bibele li nga yi vula khale, leyi se yi yendlekaka namuntlha. Kasi swi kotekisa ku yini leswo? Swi koteka hileswi Bibele ku nga Rito la Xikwembu. — 2 Pedru 1:21.