LESWI LAHLEKEKE NI KU THUMBIWA Minchumu hinkwayu leswi thumbiweke swi fanele swi yisiwa ka Departamentu la Leswi Lahlekeke ni Kuthumbiwa. Loko kuni leswingaku lahlekela, yana ka departamentu leyi leswaku u ya swi kamba. Vana lava lahlekelaneke ni vapsali va vona va fanele va yisiwa ka ndhawu leyi. Hambileswo, hi kombela leswaku mi hlayisa vana va n’wina naswona mi tshama na vona leswaku hinga karhateki.

MINYIKELO Kutirhisiwe mali ya yinyingi ka kulunghiselela ndhawu leyi yeneleke ya kutshama, ka michini ya kukulisa maritu, switirhisiwa swa mavhidiyo ni mintirho yin’wana leyi yendlaka hiswi tsakela kuva ka kongresu leyi ni kuhi pfuna leswaku hi tshinela ka Yehovha. Minyikelo ya n’wina ya kuti rhandzela yi pfuneta leswaku kuhakeliwa swilo leswi ni kupfuneta ka ntirho wa misava hinkwayu. Leswaku swiku nabyalela kunyikela, ku ni makaxa manga vekiwa ka tindhawu ta ku hambanahambana laha ka nhlengeletanu leyi. Minyikelo hinkwayu ya khensiwa swinene naswona Ntlawa Lowu Rhangelaka wama khensa malunghiselelo lawa uma yendlaka leswaku u seketela swilaveko swa Mfumu.

NTIRHO WA KUTI RHANDZELA Loko u tsakela kupfuneta ka mintirho ya ku hambanahambana ka kongresu leyi, hi kombela u tivisa Departamentu la Vatirhi va Kuti Rhandzela.

NTSAKAMISO Switshamu leswinga vekeliwa lava yaka kutsakamisiweni swi phambeni ka palku, kambe loko swingali tanu, swita tivisiwa. Lava yaka kutsakamisiweni va fanele va tshama ka ndhawu leyi vanga vekeliwa yona na wukaneli la ntsakamiso linga se sungula hi Sábado nimixo. Mun’wana ni mun’wana aati teli ni thawula naswona a yambala mpahla leyi kombisaka xihlonipho loko a ya kutsakamisiweni.

SWITSHAMU Hi kombela u yanakanyela van’wana. Khumbuka, switshamu kumbe ndhawu ya kutshama swi fanele swi vekeliwa ntsena, lava u taka na vona amovheni, lava u tshamaka na vona akaya kumbe lava u djondzaka na vona Bibele. Hi kombela leswaku unga veketeli minchumu ka switshamu kumbe ka tindhawu leti ungata kala ungati tirhisi.

VAKONGOMISI Vakongomisi va vekiwe leswaku vaku pfuna. Hi kombela u tirhisana kahle na vona, u yingisa nkongomisu wa vona mayelana ni ndhawu ya kuveka movha, loko va kongomisa vanhu va vanyingi, kuvekela van’wana ndhawu ya ku tshama ni timhaka tin’wana.

XILAMULELA NGHOZI Khumbuka leswaku u ya kona ntsena loko u lava ku dahiwa swa xihantla.

Xikola Xa Vachumayeli Va Mfumu Vapfuli va Ndlela lavanga ni 23 kuya ka 65 wa malembe lava navelaka kuyengetela ntirho wa vona wa kuchumayela va kombeliwa swaku vaya ka ntlhanganu wa lava lavaka kuya a Xikola xa Vachumayeli va Mfumu hi Domingo ninhlikani. A nkama ni ndhawu wa ntlhanganu swita tivisiwa.