XANA u yendla yini loko u lava kutiva leswaku i nkama muni? Kumbexana u languta ka wachi la wena ivi u vona leswaku i uma wora e 30 minutu wa nhlikanhi. Xana awutamu byela yini munghana wa wena loko oku vutisa leswaku i nkama muni?

Swiya hi lomu u tshamaka kona. Hi xikombiso, ungaha ku “I 1:30” kumbe u ku “I 13:30.” Ka tindhawu tin’wana ungahaku “kuchota hafu ya wora leswaku kuba 2 wora,” leswinge kuchota 30 minutu leswaku kuba 2 wora.

Aminkameni ya Bibele ke? Vanhu avawu hlayisa kuyini nkama? Na vona ava ni mahlayela yo hambanahambana. Matsalwa ya Xiheberu ma tirhisa marito lamange: “mixu”, “nhlikanhi” ni “madjambu.” (Genesa 8:11; 19:27; 43:16; Deteronoma 28:29; 1 Tihosi 18:26) Kambe minkama yin’wana Bibele li tirhisa marito ya kukongoma.

Ka Israyele wa khale, aswi tolovelekile kuva ni murindzi, ngopfungopfu niwusiku. Vayisrayele ava yava wusiku hi swiyenge swinharhu, vaswi vitana “kurindza.” (Tipisalema 63:6) Vaavanyisi 7:19 yi vulavula hi “kurindza ka xikarhi ka niwusiku.” Nkama lowu Yesu anga psaliwa ha wona Vayuda ava yava wusiku hi swiyenge swa muni swa kurindza, hilaha Vagriki ni Varoma ava yendla ha kona.

Hakanyingi, Tiyevhangeli ti vulavula hi kurindza ka niwusiku. Hi xikombiso, “hi nkama wa wumuni wa kurindza ka niwusiku,” Yesu a fambe henhla ka mati, a ya ka boti leli vadjondzisiwa va yena ava li ka lona. (Matewu 14:25, NM) Naswona Yesu, ka xifaniso xin’wana a te: “Loko ongi n’winyi wa munti wawutiva Nkarhi wa vusiku [kurindza ka niwusiku, NM] lowu muyivi angatata ha wona, aatahiteka, angatshiki munti wa yena wupfhanyiwa.” — Matewu 24:43.

Yesu a vulavule hi minkama hinkwayo ya muni ya kurindza ka nivusiku loko a byela vadjondzisiwa va yena leswaku va hiteka hikusa ava tivi ‘nkarhi lowu n’winyi wa munti angatata ha wona; kungava nimajambu, kumbe nivusiku lebyikulu, kumbe loko nkuku wuyimba, kumbe ni mixo’. (Marka 13:35) A Nkama wa kusungula wa kurindza koloko, “nimadjambu,” awu sungula hi kupela ka djambu kuya fika nove wora wa wusiku. Nkama wa wumbirhi, kunga “kurindza ka xikarhi ka niwusiku,” awu sungula hi nove wora wa wusiku kuya fika meia noite. Nkama wa wunharhu wa kurindza, “loko nkuku wuyimba,” awu sungula hi meia noite kuya fika três wora wa nimixo. Swinga yendleka ka wusiku leli Yesu a khomiweke ha lona nkuku wu yimbe hi nkama wolowu wa wunharhu wa kurindza. (Marka 14:72) Nkama wa wumuni wa kurindza, “nimixo,” awu sungula hi três wora wa nimixo kuya fika loko djambu lihuma.

Hikolaho, vanhu va nkama lowo avangali na mawachi yo tani hi lawa hinga na wona namuntlha. Kambe ava ni ndlela yohlaya nkama.