Lihanyu
Bibele ahi buku leli vulavulaka hi murhi wa kudaha mavabyi. Kambe li nyikela minawu leyingahi pfunaka kuva ni wutomi la kuyampsa. Vona yin’wana ya kona.
HLAYISA MIRHI WA WENA
LESWI BIBELE LISWI DJONDZISAKA: “Akusitshama kuva ni munhu lweyi avengaka nyama ya yena kambe wayifihluta [futshi] wayikufumeta”. — Vaefesa 5:29.
LESWI VULAKA SWONA: Nawu lowu wa Bibele wuhi pfuna leswaku hi kota kuhlayisa mirhi wa hina ni kuva ni lihanyu la kahle. Nkambisiso wun’wani wu vula swaku mavabyi yotala lawa vanhu va kumanaka na wona, ma vangiwa hi mahanyelo ya vona. Kutani, loko hi yendla swiboho swa kahle hi tava ni lihanyu lelinene.
LESWI UNGASWI YENDLAKA:
-
Swakudla. Dlana swakudla leswi nga ni lihanyu la kahle ni kutlhela u phuza mati lama yeneleke.
-
Kutiwolola. Kuti wolola swingaku pfuna kuyampsisa a lihanyu la wena hambi loko u gugile, u limalile kumbe uni mavabyi lawa ma kalaka manga daheki. Hambi loko vadokodela ni vanhu lavaku rhandzaka vaku pfuna leswaku u yendla xiyimiso xa kuti wolola, hi wena u faneleke u tinyimisela.
-
Kuyetlela Nkama Nowu Yeneleke. Vanhu lava kalaka vanga yetleli nkama lowu yeneleke vangaha khomiwa hi mavabyi lamakulu. Leswi va titatelaka swilo swa kuswi yendla, vanhu votala avawu kumi nkama wa kuyetlela. Kambe loko wena uswi kota kuyetlela nkama lowu yeneleke, u tava ni lihanyu la kahle.
TSHIKA MINKHUVA YOBIHA
LESWI BIBELE LISWI DJONDZISAKA: ‘Hifanele kutibasisa, hisusa chaka hinkwalu la mirhi ni la moya.’ — 2 Vakorinto 7:1.
LESWI VULAKA SWONA: Hi ta vani lihanyu la kahle loko hinga chakisi mirhi wa hina hi kudzaha swilo swa kufana ni fole, leswi vangelanaka mavabyi ni lifu.
LESWI UNGASWI YENDLAKA: Langa siku leli ungata tshika kudzaha hi lona. Na lingase fika siku lelo, cukumeta masigaru, swikeru, mafofo ni swilo hinkwaswu leswi uswi tirhisaka loko u dzaha. Unga tlangeli lomu kungani vanhu lava dzahaka. Byela vanghanu ni maxaka ya wena swaku awaha dzahi leswaku vataku seketela.
SWIN’WANI LESWI BIBELE LISWI DJONDZISAKA
Kombela mun’we wa Timboni ta Yehovha lomu u tshamaka kona leswaku a kunyika Bibele
TIVA KUTISIRHELELA.
“Loko uyaka yindlo ya yimpsha, ufanele utlhela uveka xisirhelelo ahenhla ka yona, leswaku ungatiseli nandzu wa ngati va le muntini wa wena, loko munhu otshuka awa na ali henhla ka yona.” — DETERONOMA 22:8.
TIKHOMI LOKO U KWATILE.
“Lweyi a hlwelaka kukwata ani kutwisisa lokukulu, kambe lweyi a helaka mbilu a kombisa wuphunta la yena.” — SWIVURISO 14:29.
UNGADLI NGOPFU.
“Unga tipatsi ni lava phuzaka ngopfu vhinyu, ni lava mintelaka nyama hi magolo yinga chayi.” — SWIVURISO 23:20.
