Mimpimiso ni Matitwelo
Bibele li li hi fanele hi tivonela ka matitwelo ni mimpimiso leyi kalaka yingali kahle naswona lahi pfuna leswaku hi kota kuyampsisa ka mhaka leyi.
KUKWATA
LESWI BIBELE LISWI DJONDZISAKA: “Lweyi a hlwelaka kukwata wa yampsa kutlula nhenha”. — Swivuriso 16:32.
LESWI VULAKA SWONA: Ha vuyeliwa loko hi zama kulawula mimpimiso ni matitwelo ya hina. Minkama yin’wani hingaha kwata hi swivangelo leswi twalaka, kambe loko hinga tikhomi hingaha titisela khombo. Vakambisisi va manguva lawa va vula swaku loko munhu a kwatile, hi nkama wolowo anga pimisi kahle. Naswona angaha vula kumbe kuyendla swilo leswi angata tisolaka hi swona hi kufamba ka nkama.
LESWI UNGASWI YENDLAKA: Djondza kutikhoma loko u kwatile. Vanhu van’wani va pimisa swaku munhu lweyi a kwataka ngopfu ani ntamu kambe kuvula ntiyiso, munhu yelweyo ahiwa nchumu. Bibele li li: “Kufana ni doropa leli pfhanyiweke, leli kalaka khumbi, swa fana ni munhu lweyi angaswi kotiki kutikhoma.” (Swivuriso 25:28) Lexingaku pfunaka leswaku u kota kutikhoma loko u kwatile i kurhanga hi kukambisisa leswinga humelela na ungase yangula nchumu. “A wutlharhi la munhu lib’ohlisa kuhlundzuka ka yena”. (Swivuriso 19:11) Loko hi tinyika nkama wa kukambisisa leswinga yendleka, hita tiva leswi hinga yangulisaka xiswona naswona swingahahi pfuna kuyehlisa moya.
KUKHENSA
LESWI BIBELE LISWI DJONDZISAKA: “Jondzani kukhensa”. — Vakolosa 3:15.
LESWI VULAKA SWONA: Kuvuliwa swaku vanhu lava khensaka, hi vona va kumaka ntsaku. Hambi vanhu lava feliweke hi munhu wokarhi kumbe kulahlekeliwa hi xilo xokarhi va vula swaku leswo i ntiyiso. Vali leswingava pfuna kuyampsisa leswi avati twisa xiswona i kukombisa kukhensa swilo leswi vangana swona, kuhambana ni kutshamela kurila hi leswi vangaswi luza.
LESWI UNGASWI YENDLAKA: Siku ni siku pimisa hi swilo leswi ungaswi khensaka. A swi bohi leswaku swilo swa kona swi va swikulu hintamu. Pimisa hi swilo swaswitsongo swa kufana ni kusaseka ka dlambu loko lixa, mabulu ya kutsakisa lawa uveke na wona ni munhu lweyi umu rhandzaka kumbi u khensa hileswi wa ha hanyanka. Loko u tinyika nkama wa kupimisa hi swilo leswi ni kutlhela uswi khensa, uta va munhu lweyi a tsakeke.
Swingaku pfuna ngopfu kupimisa swaku hi mhaka muni ufanele ukhensa hileswi ungani maxaka ni vanghanu. Loko u tiva swilo swa lisima leswi vanhu vaswi yendlaka, vabyeli. Ungaha vabyela hi kukongoma, uva tsalela papila kumbe hi foni. Leswo swita yendla swaku wunghanu la n’wina li tiya naswona uta tsaka hileswi u yendlelaka van’wani leswinene. — Mintirho 20:35.
SWIN’WANI LESWI BIBELE LISWI DJONDZISAKA
Swakoteka akuva u baxara rungula la Bibele lelinga gravariwa hi lirimi leli u li tivaka. La kumeka ka jw.org hi Kolomuya ka 40 wa tirimi
UNGA HOLOVISANI NI VANHU.
“Kupfuxa mholovo swifana ni kupfulela mati; Suka na yingase sungula.” — SWIVURISO 17:14.
UNGA KARHATEKI HI WUMUNDZUKU SWINGA FANELANGA.
‘Mingatshukeni mivilela hi swa mundzuku hikuva mundzuku atatikarhatela swa yena. Kukarhateka ka siku lin’wana ni lin’wana kuringana siku lakona.’ — MATEWU 6:34.
SUNGULA HI KUPIMISA NA UNGASE YENDLA XOKARHI.
“Wuswikoti la kuyehleketa litakurindza, naswona kutwisisa kutaku hlayisa.” — SWIVURISO 2:11.
Ni Mhaka Leyi Yi Ta Ku Tsakisa
KHINDLIMUKA!
Unga Yendla Yini loko U Ni Xitresi?
Vona matshinya ya minawu lamangaku pfunaka kuhlula xitresi kumbe kuxi pumba.
