Hayini hinga pfumeleliwi kuveka mabuku ni mavhidiyo ya Timboni ta Yehovha ka interneti kumbe ka tindhawu ta kubula ka tona ka interneti?

Tani hileswi hi nyikaka vanhu mabuku ya hina hi mahala, van’wana va pimisa leswaku aswi hoxanga kuma kopiyara ni kuma veka ka interneti kumbe ka tindhawu ta kubula ka tona ka interneti. Hambiswilitano, kuyendla leswo swi hoxile naswona swi vanga swikarhato swa swikulu hikusa swi lwisana ni Minawu Yotirhisa * (vona nhlamuselo ya le hansi) ya site la hina. Minawu leyi yiswi veka rivaleni leswaku ahi pfumeleliwi kususa “mafoto, mabuku, mavhidiyo, wuyimbeleli, rungula, swifaniso ni mimfungo ya tikomponi tokarhi leswinga ka site la hina, hiswi veka ka tindhawu tin’wana ta interneti (kungaha va ma site man’wana kumbe tindhawu ta kubula ka tona ka interneti).” Hayini minawu leyi yi fanela?

Rungula hinkwalo linga ka site la hina li sirheleliwa hi nawu. Leswi i swinene hikusa swi sivela vanhu leswaku vanga tirhisi rungula la hina hilaha va lavaka ha kona. Minkama yin’wana, lava dukeke kumbe vanhu van’wana lava lavaka tindlela ta kusivela ntirho wa hina, va veka mabuku ya hina ka ma site ya vona leswaku va koka yingiso wa Timboni ta Yehovha ni wa van’wana. Hi hala tlhelo, va peta rungula lin’wana leli byalaka kunakana tinhlokweni ta vanhu. (Tipisalema 26:4; Swivuriso 22:5) Van’wana va tirhise rungula la hina kumbe mfungo wa hina wa jw.org ka mapublisidade ya vona, ka maprograma ya vona lawa vama xavisaka ka interneti kumbe ka swilo swin’wana vaswi xavisaka. Kambe, tani hileswi rungula la hina ni mfungo wa hina swi sirheleliweke hi nawu, hinga ya tihubyeni leswaku hiva sivela kuyendla leswo. (Swivuriso 27:12) Kambe loko van’wana kumbe vamakwerhu va veka mabuku kumbe mavhidiyo ya hina ka interneti kumbe ka tindhawu ta kubula ka tona ka interneti kumbe va tirhisa mfungo wa jw.org ka mabindzu ya vona, tihuvo atingatahi seketela.

Swi ni khombo kubaxara mabuku kumbe mavhidiyo ka ma site man’wana handle ka jw.org. Yehovha ahi phamela swakudla swa moya ntsena hi kutirhisa “mutirhi kumbe nandza wotshembeka ni wa kutlhariha.” (Matewu 24:45) “Nandza” lweyi a tirhisa ma site lawa ntsena leswaku ahi dlisa — www.pr418.com, tv.pr418.com, ni wol.pr418.com. Naswona hi ni switirho swinharhu ntsena swa le nawini leswi hiswi tirhisaka ka matelefoni kumbe matablet ya hina — JW Language^®, JW Library^®, and JW Library Sign Language^®. Ka ma site lawa ni ka switirho leswi ahingata vona mapubilisidade kumbe thyaka la misava ya Sathana. Kambe, loko ho tshuka hi baxara mabuku kumbe mavhidiyo ahandle ka jw.org, swinga yendleka hi kuma rungula leli thyakisiweke hi ndlela yokarhi. — Tipisalema 18:26; 19:8.

Phela, loko hi veka mabuku kumbe mavhidiyo ya hina ka tindhawu ta kubula ka tona ka interneti, hi nyika mukhandlu lava dukeke ni van’wana leswaku va solasola nhlengeletano. Se ku ni vamakwerhu lava sunguleke kudokadokisana ni vanhu lavo. Swoleswo swi tisela Yehovha xisolo xa xikulu. Kudokadokisana koloko ahi yona ndlela ya kululamisa miyehleketo ya munhu akuva a twisisa ntiyiso. (1 Timotiya 6:3-5; 2 Timotiya 2:23-25) Handle ka leswo, ku ni vanhu lava pfulaka tikonta hi vito la nhlengeletano kumbe la xirho xa Ntlawa Lowu Rhangelaka. Kambe i ta mavunhwa. Vamakwerhu va Ntlawa Lowu Rhangelaka ava na tikonta ka interneti kumbe ka ndhawu yokarhi ya kubulisana ka yona ka interneti.

Loko hi kongomisa vanhu ka site la jw.org, hi seketela ntirho wochumayela “mahungu lamanene”. (Matewu 24:14) A site la hina ni maprograma ma’wana swiya swi yampsa ngopfu. Hi lava leswaku leswi swi pfuna vanhu. Hikolaho, ha pfumeleliwa ku rhumela vanhu mabuku kumbe ndlela ya interneti ya kufika ka site. Loko hi yendla hi ndlela leyi, hi kongomisa vanhu va ya lomu Yehovha a tirhisaka “mutirhi kumbe nandza wotshembeka” leswaku a djondzisa vanhu.