HI QUARTA-FEIRA wa diya 18 ka Janeiro wa 2023, ku nyikeliwe xitiviso ka site la jw.org, lexi a xi vula swaku Makwerhu Gage Fleegle na Makwerhu Jeffrey Winder va vekiwile swaku va va va Ntlawa Lowu Rhangelaka wa Timboni ta Yehovha. Vamakwerhu lava vambirhi va ni malembe ya manyingi na va tirhela Yehovha hi ku tshembeka.

Makwerhu Fleegle a kulisiwe hi vapsali va yena lava va nga Timboni ta Yehovha ka doropa la Pensilvania, aEstados Unidos. Nkama na a ha li mutsongo ndjangu wa yena wu rhurhile wu ya pfunisa xidoropani lexi a xi ni xilaveko. Ndzhakunyana ka leswo makwerhu lweyi a tsakamisiwile hi 20 ka Novembro wa 1988.

Vapsali va Makwerhu Fleegle a va mu khutaza ku nghenela a ntirho wa nkama hinkwawu naswona leswi makhambi manyingi a va yamukela vadjikelezi ni Vabetelita akaya ka vona, Makwerhu Fleegle a a swi vona swaku vamakwerhu lava a va tsakile. Leswo swi yendle leswaku loko se a tsakamisiwile a va mupfuli wa ndlela wa nkama hinkwawu hi 1 ka Setembro wa 1989. Naswona loko se ku hundze 2 wa malembe a sungule a ku tirha aBetele la Brooklyn hi Outubro wa 1991, ku nga leswi a a swi lava ku sukela nkama a a ni 12 wa malembe.

ABetele Makwerhu Fleegle a tirhe ka Encadernação ku ringana 8 wa malembe. Ndzhaku ka leswo a vekiwe swaku a ya tirha a Departamento de Serviço. Hi nkama wolowo a hetenyana malembe na a pfunisa a bandla la Xirusu. Hi 2006 a chade na makwerhu Nadia. Makwerhu lweyi a pfumeleliwile swaku na yena a nghena a tirha aBetele. Ha wumbirhi ka vona se va pfunisile ka bandla la Xiputukezi naswona va pfunise bandla la lirimi la Xipanhol ku tlula 10 wa malembe. Ndzhaku ka loko Makwerhu Fleegle a tirhe malembe ya manyingi a Departamento de Serviço, a vekiwe swaku a tirha aXikritoriyu Xa Comissão La Ku Djondzisa, ndzhaku ka leswo a ya tirha ka Xikritoriyu Xa Comissão de Serviço. Se hi Março wa 2022 a vekiwe swaku a va mupfunisi  wa Comissão de Serviço Wa Ntlawa Lowu Rhangelaka.

Makwerhu Winder a kulele aCalifornia, aEstados Unidos. Vapsali va yena hi vona va nga mu djondzisa ntiyiso naswona a tsakamisiwe hi 29 ka Março wa 1986. A sungule ku va mupfuli wa ndlela wa ku pfunisa loko se ku hundze wheti yin’we naswona a swi tsakele hintamu. Se loko ku hundze tiwheti a sungule ku va mupfuli wa ndlela wa nkama hinkwawu. Leswo swi yendleke hi 1 ka Outubro wa 1986.

Nkama a a li jovhem a ye a ya pfuxela vamakwavu va yena vavakulu lava a va tirhela aBetele. Leswo swi yendle swaku na yena a tsakela ku ya tirhela kohala. Se hi Maio wa 1990 a rhambiwile swaku a ya tirha aBetele la Wallkill.

ABetele, Makwerhu Winder a tirhe ka madepartamentu ya ku hambanahambana. Hi xikombiso a tirhe ka Departamentu La Limpeza, a tirha aFazenda, a tlhela a tirha ka Xikritoriyu Xa Betele. Hi 1997, Makwerhu Winder a chade na makwerhu Angela, naswona ku ta fikela ni swoswi va ha tirha aBetele. Hi 2014, yena ni nsati wa yena va txintxiwile va ya Warwick lani Makwerhu Winder a nga pfunisa ka ntirho wa ku yaka a Sede Mundial. Kasi hi 2016 va txintxiwile va ya a Centro Educacional da Torre de Vigia aPatterson, lani Makwerhu Winder a nga ya tirha ka mintirho ya Audiyo ni Vhidiyo. Loko se ku hundze 4 wa malembe, va tlhelele aWarwick, naswona Makwerhu Winder a vekiwe swaku a tirha aXikritoriyu Xa Comissão La Vatirhi. Se hi Março wa 2022 a vekiwe swaku a va mupfunisi wa Comissão La Vatirhi La Ntlawa Lowu Rhangelaka.

Hi khongelela swaku Yehovha a tama a katekisa vamakwerhu lava, ni swaku vona va tama va tirha hi matimba swaku va seketela Mfumu wa Xikwembu. — Efe. 4:8.