Phela hina a hi gandzeli Yehovha ntsena na hi li ntlawa wawukulu loko hi li mintlhanganwini, ka masembleya kumbe ka makongresu. Hi tlhela hi gandzela Yehovha hi mindjangu kumbe na hi li hoxe. Leswi landzelaka swi ta ku pfuna ku tiva leswi u nga ha djondzaka hi swona ka djondzo ya wena wexe kumbe ka djondzo ya ndjangu:

• Lunghiselela mintlhanganu. U nga ha yimbelela tinsimu leti nga ta yimbeleliwa amintlhanganwini u tlhela u pfuna ndjangu wa wena swaku wu ya hlamula amintlhanganwini.

• Lerhani Bibele. Mi tlhela mi dezenyara leswi nga yendleka ka rungula leli a mi djondza hi lona. Kumbe mi tsala leswi mi nga swi djondza.

• Kambisisani swikhongelo leswi nga ka Bibele, mi tlhela mi vona swaku swi nga mi pfunisa ku yini swaku mi yampsisa swikhongelo swa n’wina.

• Sixtirani vhidiyo la nhlengeletanu mi gama mi bula hi lona kumbe mi tsala leswi mi nga swi djondza ka lona.

• Lunghiselelani ntirho wa ku chumayela, kumbe mi maha minkombiso ya leswi mi nga ta chumayelisa xiswona.

• Vonani leswi Yehovha a nga swi yendla, mi pimisa hi swona mi tlhela mi vona swaku swi nga mi djondzisa yini hi Yehovha. a