Lerha Genesa 37:23-28; 39:17-23 leswaku u djondza swaku i mpsini leswi Yosefa a nga swi yendla loko a nga khomiwi kahle.

Ku kambela mhaka hinkwayu. I mpsini swi nga yendla swaku Yosefa a nga khomiwi kahle? (Gen. 37:3-11; 39:1, 6-10) Yosefa a hluphiwile ku ringana nkama wa ku fikela kwini? (Gen. 37:2; 41:46) Ka nkama wolowo, Yehovha a mu pfunise ku yini Yosefa, naswona i mpsini leswi Yehovha a kalaka a nga swi yendlanga? — Gen. 39:2, 21; Murindzi 01/23 paj. 17 par. 13.

Djondza swin’wani. Bibele a li vuli swaku Yosefa a tinyimelelile nkama a nga lumbetiwa hi nsati wa Potifaru. Tindzimana leti landzelaka ti nga ku pfunisa ku yini ku tiva swaku hi mhaka muni Yosefa a miyelile? Ni leswaku hi mhaka muni swi nga lavi hi tlhamuseliwa swilo hinkwaswu ka mhaka leyi? (Swiv. 20:2; Yoh. 21:25; Min. 21:37) Hi lini wumunhu leli nga pfuna Yosefa swaku a tiyisela nkama a kalaka a nga khomiwanga kahle? — Mik. 7:7; Luk. 14:11; Yak. 1:2, 3.

U djondze yini? Tivutisi:

• ‘Leswi ni nga mudjondzisiwa wa Yesu, hi swini swilo swa ku biha leswi vanhu va nga ha ni yendlaka swona ka nkama lowu taka?’ (Luk. 21:12, 16, 17; Heb. 10:33, 34)

• ‘I mpsini ni nga swi yendlaka swoswi swaku ni kota ku tiyisela loko ni hluphiwa ka nkama lowu taka?’ (Ps. 62:7, 8; 105:17-19; Murindzi 07/19 mapaj. 2-7)