I ntiyiso swaku swi kahle ku va hi djondza na hi ni xikongomelo xo karhi. Kambe i swa lisima swaku nkama lowu hi djondzaka, hi zama ku pfuneka hi minchumu ya ku hambanahambana leyi hi nga ta kumana na yona nkama lowu hi djondzaka. Hi nga swi yendlisa ku yini swoleswo?

Khongela u kombela wutlharhi. Kombela Yehovha swaku a ku pfuna kuva u swi twisisa kahle leswi u swi djondzaka. (Yak. 1:5) Naswona u nga tsutsumi u tekela ku yi hundza mhaka yoleyo, hi ku tibyela swaku se wa yi tiva. — Swiv. 3:5, 6.

Khumbuka leswaku Bibele li ni matimba. Vaheberu 4:12 yi vula swaku a “Rito la Xikwembu la hanya.” Leswi nge a Bibele li nga hi khumba hi tindlela ta ku hambanahambana nkama hi li lerhaka. Swi ya hi swaku hina hi tinyimisele ku fikela kwini a ku djondza swilo swa nyuwani nkama hi li lerhaka.

Swi nyiki lisima hinkwaswu leswi nga ka Rito la Xikwembu. Yehovha a fanisa swilo leswi nga ka Bibele ni “fexta la swakudla swa kahle.” (Esa. 25:6) Se nkama lowu u lerhaka Bibele u nga tshiki ku lerha swilo swin’wani hileswi swi tikombaka na swi nga tsakisi. Loko u tinyimisela ku lerha hinkwaswu leswi nga ka Bibele, u ta va u pfumelela swaku Yehovha a ku pfuna ka wutomi la wena.