Loko hi djondza Bibele, hi hamba mapexkiza ya manyingi swaku hi kota ku swi twisisa kahle leswi hi swi djondzaka. Kambe loko hi djondza Bibele a ho lava ku yengetela wutivi la hina ntsena. Hi lava ku kuma swilo swa lisima mayelana ni wumunhu la Yehovha leswi nga ta yendla swaku hi ya hi mu rhandza. Leswaku hi yendla leswo, nkama hi djondzaka hi nga tivutisa leswi: ‘Ndzimana leyi ya Bibele yi ni djondzisa yini hi Yehovha?’

Hi xikombiso, u nga ha djondza hi swilo leswi ku kholwisaka swaku Yehovha i lirhandzu, a lulamile, a tlharihile funtshi a ni matimba. Kambe, Yehovha a nga tshamisanga leswo ntsena. A ni swilo swin’wani swa lisima ni swa ku saseka leswi hi hlamalisaka. Hi kwini kun’wani lani u nga djondzaka hi leswi Yehovha a nga tshamisa xiswona?

Ka Índice das Publicações da Torre de Vigia u nga kuma lixta la ku tlula 50 wa swilo leswi tlhamuselaka leswi Yehovha a nga tshamisa xiswona. Swi kumeka ka nhlokomhaka leyi nge “Jeová” hansi ka xihlokwanamhaka lexi nge “Lista de Qualidades.” (U nga tlhela u kuma lixta la ku tshamisa xileswo ka Nkongomiso Wo Endla Ndzavisiso Wa Timbhoni Ta Yehovha ka nhlokomhaka leyi nge “Yehovha Xikwembu” hansi ka xihlokwanamhaka lexi nge “Timfanelo Ta Yehovha.”) Se nkama lowu u djondzaka, pexkizara leswi yelanaka ni leswi u djondzaka hi swona.