U ma lerhi kahle marevhixta ya Murindzi ya lembe leli? Zama ku hlamula swivutiso leswi landzelaka:

Hi fanele hi va khomisa ku yini vatotiwa?

Hambileswi hi tsakisiwaka hi lipfumelo la vona a hi fanelanga hi va hlonipha ku tlula mpimu kumbe hi tiyentxa valandzeli va vona. (Yuda 16) Naswona a hi fanelanga hi va vutisela swaku va totisiwe ku yini. — w20.01, paj. 29.

I ntxini xi ku yentxaka u kholwa swaku Yehovha wa ku tiva hikakunene?

Bibele li vula swaku Yehovha a ku tivile ni ku psaliwa u nga se psaliwa. Wa swi yingisa swikhongelo swa wena funtshi wa swi tiva leswi nga ka mbilu ya wena ni leswi u swi pimisaka. Naswona leswi u swi yentxaka swi nga ha mu tsakisa kumbe ku mu kwatisa. (1 Tikro. 28:9; Swi. 27:11) Phela hi Yehovha a nga ku vitana swaku u va munghanu wa yena. — w20.02, paj. 12.

I mpsini swi kombisaka swaku ku ni nkama wa ku miyela ni nkama wa ku vulavula?

Swa hi tsakisa loko hi vulavula hi Yehovha. Naswona hi fanele hi vulavula loko hi vona munhu na a yentxa minchumu leyi nga ta mu yentxa a djoha. Loko swi laveka, madoda ma laya munhu hi wutlhari ni ku lehisa mbilu. A hi fanelanga hi vutisa hambi loko hi navela ku tiva swaku ntirho wa hina wu yentxisiwa ku yini ka matiku lawa wu tsimbisiwaka. Naswona a hi fanelanga hi vulavula loko hi tiva swilo swa bandla swaku a hi fanelanga hi byela munhu. — w20.03, mapaj. 20-21.

Hi kwini ku hambana ka mintete leyi ku vulavuliwaka hi yona ka Yuwele ndzima 2 ni leyi ku vulavuliwaka hi yona ka Nhlavutelo ndzima 9?

Ka Yuwele 2:20-29, Xikwembu xi vula swaku a xi ta hlongola mintete, xi tlhela xi hakela hinkwaswu leswi yi nga wonhetela, xi gama xi chulula moya wa xona. Leswo swi sungule ku yentxeka nkama Vababilona va nga dumela Vayisrayele. Ka Nhlavutelo 9:1-11, ku vulavuliwa hi vatotiwa lava fanisiwaka ni mintete, va chumayela ku yavanyisiwa ka misava leyi loku taka hi ka Xikwembu. Leswo swi yentxa swaku vanhu hinkwavu lava seketelaka mahanyelo ya misava leyi va nyenyentseka. — w20.04, mapaj. 3-6.

Hi mani hosi ya norte swoswi?

I mfumu wa Rússia ni lava va nyimaka na wona. Va dumele Timboni ta Yehovha, va tsimbisa ntirho wa ku chumayela hi mhaka leswi va ti nyenyaka. Naswona hosi ya norte yi tshamela ku lwa ni hosi ya sul. — w20.05, paj. 13.

Mihandzu ya moya o va ntsena leyi nga kombisiwa ka Vagalatiya 5:22, 23?

Ihim. Moya wa ku kwetsima wu nga hi pfuna ku yentxa swilo swin’wana swa swinene swa ku fana ni ku va vanhu va ku lulama. (Efe. 5:8, 9) — w20.06, paj. 17.

Hi mhaka muni u fanele u tivonela loko u postara minchumu ya wutomi la wena ka interneti?

Leswi u swi postaraka ka interneti swi nga ha kombisa swaku wa tigwirisa funtshi u munhu wa ku tibyela. — w20.07, mapaj. 6-7.

I mpsini leswi Vakreste va nga swi djondzaka ka vaphasi va tihlampfi?

Vaphasi va tihlampfi va kahle va tirhela lomu ku nga ni tihlampfi ta tinyingi, hi nkama lowu ti kumekaka hi wona. Va swi tirhisa kahle leswi va phasaka hi swona tihlampfi, funtshi va tirha na va nga chavi hambiloko swiyimu swi txintxa. Na hina hi nga yentxa leswi fanaka ka ntirho wa ku chumayela. — w20.09, paj. 5.

Hi nga va pfunisa ku yini lava hi djondzaka na vona Bibele swaku va rhandza Xikwembu?

Hi fanele hi va pfuna swaku va lerha Bibele siku ni siku va tlhela va pimisa hi leswi va swi lerhaka. Naswona hi fanele hi va djondzisa ku khongela. — w20.11, paj. 4.

Loko ku vulavuliwa hi vanhu “hinkwavu” lava nga ta pfuxiwa ‘hikolaho ka Kreste’ ku patsiwa na vamani? — 1 Kor. 15:22.

Mupostolo Pawulo a a nga vulavuli hi vanhu hinkwavu lava nga ta pfuxiwa, kambe a a vulavula hi Vakreste lava totiweke “lavavitaniweke kuva vahlawuliwa va Xikwembu hi kubasisiwa ha Kriste Yesu”. (1 Kor. 1:2; 15:18) — w20.12, mapaj. 5-6.

Hi wini ntirho lowu nga ta yentxiwa hi lava nga ta txintxiwa “hi kutsopeta ka tihlo, kuyimbeni ka mhalamhala ya makumu”? — 1 Kor. 15:51-53.

Va ta landzela Yesu va tlhela va risa matiku hi nhonga ya nsimbi. (Nhla. 2:26, 27) — w20.12, mapaj. 12-13.