“Nita Famba Antiyisweni wa Wena”
“Oh Yehovha, nidjondzisi ndlela ya wena. Nitafamba antiyisweni wa wena.” — TIPISALEMA 86:11.
TINSIMU: 26, 101
1-3. a) Xana hi fanele hiti twisa kuyini hi ntiyiso wa le Bibeleni? Kombisa. (Vona swifaniso akusunguleni ka djondzo.) b) Xana hita bula hi yini ka djondzo leyi?
NAMUNTLHA, swi tolevekile leswaku vanhu va xava nchumu wokarhi axitolo kutani ndzhaku vawu tlhelisa. Van’wana loko va xava swilo hi kutirhisa interneti, swava vevukela kuswi tlhelisa. Vangaha yendla leswo hikuva ahi swona leswi avaswi nyimelile hi nchumu wolowo kumbe wu fike na wu honekile. Kutani vangahaxi cinca hi xilo xin’wana kumbe va kombela kutlheliseliwa male ya vona.
2 Ahi fanelanga hi tshuka hi yendla tanu hi ntiyiso wa le Bibeleni. Loko hiwu “xava”, ahiswi lavi kutshuka hiwu “xavisa”, leswi vulaka leswaku loko hi djondza ntiyiso, ahi fanelanga hi tshuka hiwu tshika. (Lerha Swivuriso 23:23; 1 Timotiya 2:4) Ka djondzo leyi hundzeke, hi djondze leswaku swi lava nkama kuva hi djondza ntiyiso. Naswona hingaha va hi tshike ntirho lowu holelaka kahle. Naswona swingaha va swi bohe leswaku hi yendla kucinca kokarhi ka wuxaka la hina ni van’wana, kucinca ndlela leyi ahi pimisa ni kuyendla swilo ha yona kumbe kutshika kukatseka ka mikhuva ni swihena leswinga tsakisiki Yehovha. Kambe ha tiyiseka leswaku a kuna nchumu lexi hixi tshikeke lexinga xa lisima kutlula minkateko leyi hiyi kumaka hi kutiva ntiyiso.
3 Yesu a nyikele xifaniso xa muxavisi lweyi a alavetela tiperela letinene. Loko wanuna lweyi a kume perelela yodura swinene, hi kuhantlisa a xavise swilo hinkwaswo leswi a ali naswona leswaku ata kota kuyi xava. Perela leyo yi fanekisela ntiyiso mayelana ni Mfumu wa Xikwembu. Hi ndlela leyi, Yesu a kombise leswaku ntiyiso i wa lisima swinene ka lava vawu lavetelaka. (Matewu 13:45, 46) Loko hi sungule kudjondza ntiyiso, kunga ntiyiso mayelana ni Mfumu wa Xikwembu ni mintiyiso yin’wana ya le Bibeleni ya lisima, na hina hiti yimisele kutitsona hinkwaswo kuva hiwu kuma. Loko hi hambeta hiwu nyika lisima ntiyiso, ahinge tshuki hiwu tshika. Kambe lexi vavisaka, malandza man’wana ya Xikwembu ma tshike kuwu nyika lisima ntiyiso naswona man’wana mawu tshikile. Ahi fanelanga hiswi yendla leswo! Hi fanele hi yingisa ndzayo ya le Bibeleni leyihi khutazaka ‘kuhanya ntiyisweni.’ (Lerha 3 Yohane 2-4.) Leswi swi vula leswaku ndlela leyi hi hanyaka ha yona yi fanele yi kombisa leswaku ntiyiso i nchumu wosungula ka wutomi la hina. Kambe swinga kotekisa kuyini leswaku munhu a ‘xavisa’ kumbe kutshika ntiyiso? Xana hinga yendla yihi leswaku leswo swingahi yendlekeli? Xana hinga yendla yini leswaku hi hambeta hi ‘hanya ntiyisweni’?
SWIVANGELO NI TINDLELA LETI VAN’WANA VA XAVISAKA NTIYISO HA TONA
4. Ankameni wa Yesu hayini van’wana va tshike kufamba antiyisweni?
4 Ka nkama wa Yesu, vanhu van’wana lava kusunguleni va yamukeleke ntiyiso ava hambetanga va famba hi wona. Hi xikombiso, ndzhaku ka loko Yesu a yendle hlori naswona a phamele xitshungu lexikulu, ximu landzelile loko a yile atlhelo lin’wana la Lwandle la Galileya. Kambe Yesu a vule marito lawa ma tsemeke nhlana wa xona loko a ku: “Loko mingaji nyama ya N’wana-wa-Munhu, ni loko minganwi ngati ya yena, amingatava ni vutomi ka n’wina ha n’wexe.” Matshan’wini yovutisa Yesu leswaku a alava kuvula yini, xitshungu xi te: ‘Marito lawa manonon’hwa! I mani lweyi angama twisisaka xana?’ Hi mhaka yoleyo, ‘vadjondzisiwa va yena lavotala vatlhelele ndzhaku, vangahafambafambi na yena.’ — Yohane 6:53-66.
5, 6. a) Hayini van’wana namuntlha va tshika ntiyiso? b) Swinga yendlekisa kuyini leswaku munhu a tshika ntiyiso?
5 Lexi twisaka kuvava, van’wana namuntlha va tshike ntiyiso. Hayini? Van’wana va khunguvanyisiwe hi leswi kuveke ni matwisiselo lamanpsha ya ndzima yokarhi ya le Bibeleni, kumbe hikolaho ka leswi vuliweke kumbe kuyendliwa hi makwerhu lweyi a tiviwaka kahle. Van’wana va kwatisiwe hi leswi va nyikiweke ndzayo leyi humaka aBibeleni kumbe hileswi va khunguvanyisaneke ni makwerhu wokarhi abandleni. Van’wana va landzele tidjondzo ta mavunwa ta vanhu lava dukeke kumbe van’wana lava vulavulaka mavunwa hi hina. Leswi i swivangelo swingaliswingani leswi yendlaka van’wana va tshika Yehovha ni bandla hi maxivomu. (Vaheveru 3:12-14) Aswita va swi li swinene loko avo tshemba Yesu hilaha Petro a yendleke ha kona. Loko van’wana ka xitshungu va tsemeke nhlana hi marito ya Yesu, Yesu a vutise vapostola va yena leswaku na vona ava lava kufamba ke? Petro a hlamule a ku: “Hosi, hingaya ka mani xana? Wena u ni marito ya vutomi lebyingaheliki.” — Yohane 6:67-69.
Vaheveru 2:1) Hi ntolovelo, munhu anga tshiki ntiyiso hi maxivomu. Kambe angaha tshika wunghanu la yena na Yehovha li hola ivi hi kufamba ka nkama a lahlekeliwa hi lona. Xana hinga yendla yini leswaku leswo swingahi yendlekeli?
6 Van’wana va tshike ntiyiso hi kutsongokutsongo na vangaswi xiyi. Munhu lweyi a tshikaka ntiyiso hi kutsongokutsongo anga fanisiwa ni boti leli hi kutsongokutsongo li yaka li nghena xikarhi ka lwandle. Bibele lihi ba ndleve leswaku “hingahambuki ndleleni.” (XANA HINGA YENDLA YINI LESWAKU HINGA TSHUKI HI XAVISA NTIYISO?
7. I yini leswingatahi pfuna leswaku hinga tshuki hi xavisa ntiyiso?
Ahi fanelanga hi hlawula kuyingisa mintiyiso yokarhi ya le Bibeleni kambe yin’wana hingayi yingisi
7 Leswaku hi hambeta hi famba antiyisweni, hi fanele hi yamukela ni kuyingisa hinkwaswo leswi Yehovha aswi vulaka. Hi fanele hi teka ntiyiso kuli nchumu xa lisima swinene kutlula hinkwaswo ka wutomi la hina, naswona hi fanele hi landza matshinya ya minawu ya Bibele ka xin’wana ni xin’wana lexi hixi yendlaka. Hosi Davhida a tshembise Yehovha hi xikhongelo a ku: “Nita famba antiyisweni wa wena.” (Tipisalema 86:11) Davhida a atiyimisele kufamba antiyisweni. Na hina hi fanele hi yendla tanu. Loko hinga yendli leswo, hingaha sungula kupimisa hi swilo leswi hiswi tshikeke leswaku hi kuma ntiyiso naswona hingaha navela kutlhela hi va na swona. Hikolaho, ahi fanelanga hi hlawula kuyingisa mintiyiso yokarhi ya le Bibeleni kambe yin’wana hingayi yingisi. Hi fanele hi famba “ndleleni hinkwayo ya ntiyiso.” (Yohane 16:13) Ka djondzo leyi hundzeke hi bule hi swilo swa 5 leswi hingaha vaka hiswi tshikile leswaku hi djondza ni kuhanya hi ntiyiso. Swoswi hita djondza leswaku hingaswi kotisa kuyini leswaku hinga tshuki hi tlhelela ka swilo leswi hiswi siyeke ndzhaku. — Matewu 6:19.
8. Xana ndlela leyi Vakreste va tirhisaka nkama ha yona, wunga va hambanisisa kuyini ni ntiyiso? Nyikela xikombiso.
8 Nkama. Leswaku hi hambeta hi famba antiyisweni, hi fanele hi ya mahlweni hiwu tirhisa hi wutlharhi nkama wa hina. Loko hingati voneli, hinga heta nkama wotala akuhungateni, akutlangeni a interneti kumbe akuhlaleleni ka televizhori. Kuyendla swilo leswi aswi bihanga kambe hingaha sungula kutirhisa nkama lowu ahiwu tirhisela kudjondza ni kuchumayela. Hi leswi swi yendlekeleke Ema. * (Vona nhlamuselo ya le hansi.) Loko aha li xintombhana, aama rhandza swinene makavhalo naswona aama ghada nkama lowu aaswi lava ha wona. Kambe a sungule kutitwa nandzu hikolaho ka nkama lowo aawu heta a li karhi a tlanga hi makavhalo; kutani a cince swilo leswi aaswi rhangisa. A tlhele a djondza ka ntokotoko wa makwerhu wa xisati Cory Wells, lweyi a ali mughadi ka ntlangu wa makavhalo. * (Vona nhlamuselo ya le hansi.) Swoswi Ema a heta nkama wotala na a tirhela Yehovha, naswona a ni nkama wotala wo va ni ndjangu ni vanghanu va yena lava na vona va tirhelaka Yehovha. A titwa ali kusuhi ni Xikwembu naswona a tsakile hi kutiva leswaku a tirhisa nkama wa yena hi wutlharhi.
9. Xana swinga yendlekisa kuyini leswaku swilo leswi vonekaka swi va swa lisima ka hina?
9 Swilo leswi vonekaka. Leswaku hi hambeta hi famba antiyisweni, ahi fanelanga hi pfumelela leswaku swilo lewi vonekaka swi va swa lisima swinene ka hina. Loko hi djondze ntiyiso, hiswi vonile leswaku kutirhela Yehovha i swa lisima swinene kutlula swilo leswi vonekaka, naswona hi tsake swinene hi kutshika swilo leswi leswaku hi hanya hi ntiyiso. Kambe loko nkama wu li karhi wu famba, hingaha vona van’wana va xava switirhisiwa swa eletronika kumbe vati khorisa hi swilo swin’wana leswi male yiswi xavaka. Hingaha sungula kuva navela, ivi hingaha yeneliseki hi swilo leswi hinga na swona. Naswona hingaha dzikisa swinene miyanakanyo ya hina aku laveteleni ka swilo leswi vonekaka kutlula kutirhela Yehovha. Leswi swihi tsundzuxa leswi humeleleke Demasi. Tahi hileswi a arhandza ngopfu swilo ‘swa misava leyi’, a tshike ntirho lowu a ali na wona na mupostola Pawulo. (2 Timotiya 4:10) Kumbexana Demasi aaswi rhandza swinene swilo leswi vonekaka kutlula kutirhela Yehovha. Kumbe aangaha lavi kutitsona swokarhi leswaku a tirha na Pawulo. Xana hi djondza yini? Swigaha yendleka nkama lowu hundzeke hi tshame hi rhandza swilo swa misava leyi. Loko hinga tivoneli, lirhandzu lolelo lingaha tlhela li kula swinene la kakuva hi luzekeliwa hi lirhandzu la hina hi ntiyiso.
10. Xana hi wihi nkucetelo lowu hi faneleke hi lwa na wona?
10 Wuxaka la wena ni van’wana. Leswaku hi hambeta hi famba ntiyisweni, ahi fanelanga hi pfumelela vanhu lavanga tirheliki Yehovha leswaku vahi kucetela. Loko hi djondze ntiyiso, wuxaka leli ahi li na lona ni vanghanu kumbe maxaka lawa manga liki Timboni li cincile. Swingaha yendleka van’wana vaswi hlonipha leswi hiswi pfumelaka, kambe van’wana vangahahi kaneta. (1 Petro 4:4) I ntiyiso leswaku hi yendla leswi hingaswi kotaka leswaku hi twanana ni maxaka ni kuva yendlela swilo leswinene. Kambe ahinge tshiki kuyingisa minawu ya Yehovha leswaku hiva tsakisa. Hilaha hi djondzeke ha kona ka 1 Vakorinto 15:33, vanghanu va hina va fanele va va vanhu lava rhandzaka Yehovha.
11. Xana hingayi papalatisa kuyini mimpimiso ni mahanyelo yobiha?
11 Mimpimiso ni mahanyelo ya kubiha. Leswaku hi hambeta hi famba antiyisweni, hi fanele hi kwetsima kumbe kubasa hikuya hi vonelo la Yehovha. (Esaya 35:8; lerha 1 Petro 1:14-16.) Loko hi djondze ntiyiso, hi cince mahanyelo ya hina leswaku ma fambisana ni minawu ya Bibele. Van’wana va yendle kucinca lokukulu swinene. Kambe hi fanele hi hambeta hi tivonela leswaku hinga tshuki hi cinca wutomi lobasa leli hinga na lona hi mahanyela ya kubiha. Xana i yini leswingahi pfunaka leswaku hinga tshuki hi nghenela mahanyela ya kubiha? Pimisa hi leswi Yehovha ahi yendleleke swona leswaku hi kwetsima. A nyikele hi wutomi la lisima la N’wana wa yena lweyi a rhandzekaka, Yesu Kreste! (1 Petro 1:18, 19) Lexingahi pfunaka leswaku hi tshama hi basile hikuya hi vonelo la Yehovha, i kuva nkama hinkwawo hi tsundzuka ndlela leyi nkutsulo wa Yesu wunga wa lisima ha yona.
12, 13. a) Ha yini hi fanele hi va ni langutelo leli fanaka ni la Yehovha hi maferiyado? b) I yini leswi hingata bula ha swona swoswi?
12 Mikhuva leyinga tsakisiki Xikwembu. Vaefesa 5:10) Loko hi tshemba Yehovha swin’we ni Rito la yena, ahingata chavisiwa hi leswi vanhu van’wana vaswi yanakanyaka. — Swivuriso 29:25.
Maxaka, vatirhikuloni ni vadjondzikuloni vangaha ringeta kuhi kucetela leswaku hi hlanganyela ka mikhuva ya vona. Xana hingaswi kotisa kuyini kutiyisela nkucetelo wolowo wohlanganyela ka mikhuva ni maferiyado lawa mangamu tsakisiki Yehovha? Hi fanele hiswi tiva kahle swivangelo leswi yendlaka Yehovha angama tsakeli maferiyado wolawo. Hinga kambisisa ka mabuku ya hina leswaku maferiyado wolawo ma sungule hi ndlela yihi. Loko hi yanakanyisisa hi swivangelo swa Matsalwa leswihi yendlaka hinga hlanganyeli ka maferiyado wolawo, hita tiyiseka leswaku hi famba ndleleni leyi “tsakisaka Hosi.” (13 Hi tshemba leswaku hita famba ntiyisweni hilaha kunga heliki. Kambe i yini lexingahi pfunaka leswaku hi tiyimisela kuhambeta hi famba ntiyisweni? Hita bula hi swilo swinharhu leswingatahi pfuna kuyendla tanu.
TIYIMISELI KUFAMBA ANTIYISWENI HI MBILU HINKWAYO
14. a) Xana kuhambeta hi djondza Bibele switahi pfunisa kuyini leswaku hi tiyimisela kunga tshuki hi tshika ntiyiso? b) Hayini hi fanele hi va ni wutlharhi, kutwisisa ni kuyamukela ndzayo?
14 Xosungula, hambeta u va ni xiyimiso lexinene xodjondza Bibele u tlhela u yanakanyisisa hi vuyenti hi leswi uswi djondzaka. Loko u yendla leswo, utawu rhandza swinene ntiyiso naswona uta tiyimisela leswaku unga tshuki uwu tshika. Swivuriso 23:23 yihi byela leswaku hi fanele hi “xava ntiyiso” naswona hi xava “wutlhari, kulaya ni kutwisisa.” Kambe aswi yenelanga kudjondza Bibele ntsena. Hi fanele hi tirhisa leswi hiswi djondzaka awuton’wini la hina. Loko hi kuma kutwisisa, hita patsa swilo leswi hiswi djondzaka ni leswi se hiswi tivaka. Wutlharhi litahi susumetela kutirhisa wutivi leli hinga na lona. Minkama yin’wana, ndzayo ya ntiyiso yitahi komba kucinca loku hi faneleke hi kuyendla. Loko leswo swi yendleka, hi fanele hi cinca hi kuhantlisa hikuva Bibele yi vula leswaku ndzayo ya yampsa kutlula golidi. — Swivuriso 8:10.
15. Xana ntiyiso wuhi sirhelelisa kuyini kufana ni bhandi?
15 Xawumbirhi, hi fanele hi hambeta hi tirhisa leswi hiswi djondzaka awuton’wini la hina la siku ni siku. Bibele li fananisa ntiyiso ni bhandi la musochwa. (Vaefesa 6:14) Aminkameni ya Bibele, bhandi ali sirhelela musochwa anyimpini ntsena loko ali tsimba kahle. Loko awo kala anga yendli leswo, alingatamu pfuna hi nchumu. Kambe, xana ntiyiso wuhi sirhelelisa kuyini kufana ni bhandi? Loko mintiyiso ya Bibele yi va miyanakanywini ya hina minkama hinkwayo, ahingata pimisa kuyendla minchumu yobiha naswona hita yendla swiboho leswinene. Naswona loko hi va ni swikarhato swotika kumbe loko hi ringiwa kuyendla swilo swobiha, mintiyiso ya Bibele yita yendla leswaku hi tiyimisela kuyendla leswinene hilaha hinga kotaka ha kona. Tani hilaha sochwa alingata famba anyimpini linga na bhandi, na hina ahinge tshuki hi tshika ntiyiso. Hi fanele hi tiyiseka leswaku mintiyiso ya Bibele yi kongomisa wutomi la hina hinkwalo. Tani hileswi sochwa ali tlhoma bhanga la lona ka bhandi, ahi voneni ndlela leyi na hina hinga yendleka leswi fanaka ha yona.
16. Xana kudjondzisa ntiyiso swihi pfunisa kuyini kuhambeta hi famba ntiyisweni?
16 Xawunharhu, djondzisa van’wana mintiyiso ya Bibele hilaha unga kotaka ha kona. Bibele li fananisiwa ni bhanga. Tani hilaha sochwa lelinene li faneleke li hambeta li khoma swi tiya ka bhanga, na hina hi fanele hi hambeta hili tirhisa kahle Rito la Xikwembu. (Vaefesa 6:17) Hinkwerhu ka hina hingaswi kota kuva vadjondzisi lavanene ni ‘kudjondzisa Rito ra ntiyiso hi ndlela leyinene.’ (2 Timotiya 2:15) Loko hi tirhisa Bibele leswaku hi djondzisa van’wana, hita ya hiwu tiva ntiyiso hi tlhela hiwu rhandza swinene. Naswona hita tiyimisela kuhambeta hi famba antiyisweni.
Ntiyiso i nyiko ya lisima leyi humaka ka Yehovha
17. Hayini ntiyiso wu li wa lisima ka wena?
17 Ntiyiso i nyiko ya lisima leyi humaka ka Yehovha. Wu yendla swi koteka leswaku hi va ni wuxaka la le kusuhi ni B’ava wa hina wa le tilweni. Lexi i xilo xa lisima swinene kutlula hinkwaswo leswi hingaha vaka na swona. Yehovha se ahi djondzise swilo swotala swinene; kambe kaha ni swotala swa kuswi djondza! Ahi tshembisa leswaku ata hambeta ahi djondzisa hilaha kunga heliki. Hlayisa ntiyiso hi ndlela leyi awuta hlayisa perela ya lisima swinene ha yona. Hambeta u “xava ntiyiso naswona ungatshuki uwuxavisa.” Kufana na hosi Davhida, hambeta u hlayisa xitshembiso xa wena ka Yehovha lexinge: “Nita famba antiyisweni wa wena.” — Tipisalema 86:11.
^ ndz. 8 Mavito man’wana ma cinciwile.
^ ndz. 8 Nghena ka JW Broadcasting, u lavetela lani kunge: MIMBULAVURISANO NI MINTOKOTO > NTIYISO WU HUNDZULA VANHU.