B’ava wa Rehobuwama, Solomoni, a fume Israyele 40 wa malembe. (1 Tihosi 11:42) Endzhaku ka lifu lakwe, Rehobuwama a ye Xikeme leswaku aya gqoviwa wuhosi. (2 Tikronika 10:1) Xana a achava kupfaleta b’ava wakwe axitshan’wini xa wuhosi? Phela Solomoni a adume swinene hi wutlhari leli a ali na lona. Hikolaho, Rehobuwama a afanele a kombisa leswaku a ni wutlharhi leli lavekaka la kutlhantlha timhaka.

Vayisrayele ava titwa na vali karhi va hluphiwa. Hikolaho, va hlawule vanhu axikarhi ka vona leswaku vaya vayimelela loko va vulavula ni hosi Rehobuwama. Va byele hosi va ku: “Tatana wa wena ahirhwalise ntirho wotika swinene. Kambe loko wena uhivevukisela ntirho lowotika ni ndzhwalu lowu tatana wa wena ahirhwaliseke wona, hitakutirhela.” — 2 Tikronika 10:3, 4.

Rehobuwama a afanele a yendla xiboho. Loko a yendla leswi laviwaka hi vanhu lava, yena, ndjangu wa yena ni hinkwavu lava tshamaka amuntini wa yena vata lahlekeliwa hi wutomi la mafurha leli va hanyaka ka lona. Hi hala tlhelo, loko anga yendli leswi vaswi lavaka, vatamu pfukela. Se a ata yendla yini? Kusungula, a vulavule ni madoda lawa ama pfuna b’ava wakwe. Wona mamu khutaze leswaku a yingisa xitshungu. Kambe matshan’wini ya kuyingisa leswi a byeliweke swona hi madoda, a yingise leswi majaha ya tintanga ya yena ivi a boha kuva a khoma vanhu hi ndlela ya tihanyi. Ava byele leswi: “Nitatikisa nitlhela niyengetela ntirho wa n’wina.Tatana amibe hi minkhavi, kambe mina nitamiba hi minkhavi ya mintwa.” — 2 Tikronika 10:6-14.

Xana leswi swihi djondzisa yini? Namuntlha, hi ni vamakwerhu vanyingi lava kuleke lava se vanga ni malembe yotala na va tirhela Yehovha. Vamakwerhu lava vangahi pfuna kuyendla swiboho leswinene. Hikolaho, ahi kombiseni leswaku hi tlharihile hi kuyingisa leswi vahi byelaka swona. — Yobo 12:12.

Rehobuwama a hlanganise masonchwa ya yena leswaku a ya lwisana ni tinyimba ta Israyele letimu pfukeleke. Hambiswilitanu, Yehovha a rhumele muprofeta Xemaya leswaku ayamu byela leswi: “Mingatshuki miyalwa ni vamakwenu, Vayisrayelekuloni. Mun’wana ni mun’wana aatlheleli amuntini wa  yena, hikuva mhaka leyi yihuma ka mina.” — 1 Tihosi 12:21-24. * — Nhlamuselo ya le hansi.

Xana swimu vevukelile Rehobuwama kuyingisa Yehovha? Xana tinyimba leti ati fumiwa hi yena atita pimisa yini hi yena? Ka nkama lowu hundzeke ati byele leswaku atati ba hi “minkhavi ya mintwa” naswona swoswi ati byela leswaku angatati yendla nchumu tinyimba letiva pfukeleke. (Fananisa ni 2 Tikronika 13:7.) Hambileswi a ayitiva ndlela leyi ava titwa ha yona, Rehobuwama ni masonchwa ya yena “vayingise rito la Yehovha, va tlhelela vamuka hilaha Yehovha angavula hakona.”

Hi djondza yini ka mhaka leyi? I wutlharhi kuyingisa Xikwembu. Hambiloko vanhu vahi poyila, ahi fanelanga hi tshika kuxi yingisa. Yehovha atahi katekisa minkama hinkwayu loko himu yingisa. — Deteronoma 28:2.

Xana Rehobuwama a katekisiwile hi kuyingisa ka yena? Ina, a katekisiwile. A hambete a va hosi ya tinyimba ta Yuda na Benjamini naswona a yake madoropa ya nyuwani. Handle ka leswo, a kote kutiyisa madoropa man’wana “hintamu swinene”. (2 Tikronika 11:5-12) Xa lisima swinene, a yingise minawu ya Xikwembu kuringana nkama wokarhi. Tani hileswi vayisrayele va 10 wa tinyimba va sunguleke kugandzela swifanisu, vanyingi va tlhelele Yerusalema leswaku vaya seketela Rehobuwama kun’we ni wugandzeli la ntiyiso. (2 Tikronika 11:16, 17) Kuyingisa ka Rehobuwama kuyendle leswaku mfumu wa yena wu tiya.

Nkama lowu mfumu wa yena se wunga tiya, a tshike kuyingisa nawu wa Yehovha naswona a sungule kugandzela swikwembu swa mavunwa. Hi mhaka muni? Xana a yendle leswi, hi kukuceteliwa hi mamana wa yena lweyi a ali Muamonita? (1 Tihosi 14:21) Ahiswi tivi. Leswi hiswi tivaka hi leswaku tiko li landzelele xikombiso xa yena xobiha. Hikolaho, Yehovha a pfumelele Hosi Xixaka wa le Egipta leswaku a lwa ni madoropa ya mfumu wa Yuda. Hambileswi ama tiyisiwe swinene, madoropa lawa ma hluliwile. — 1 Tihosi 14:22-24; 2 Tikronika 12:1-4.

Xiyimo xi tlulise mpimo loko Xixaka ni masonchwa ya yena va hlasela Yerusalema, laha Rehobuwama a afuma kona. Hi nkama wolowo, muprofeta Xemaya a byele Rehobuwama ni tindhuna ta yena marito ya Xikwembu lamange: “Minitshikile, hikolaho na mina nimitshikile avokweni la Xixaka.” Xana Rehobuwama a yangulise kuyini ka ndzayu leyi? Ayi yamukelile. Bibele li li: “Hiloko hosi ni tindhuna ta Israyele vatitsongohata vatlhela vaku: ‘Yehovha alulamile.’” Hi mhaka ya leswi a yamukeleke ndzayu, Yehovha amu ponisile naswona doropa la Yerusalema ali lovisiwanga. — 2 Tikronika 12:5-7, 12.

Endzhaku ka leswo, Rehobuwama a hambete a fuma aYuda. Na angese fa, a nyike vana va yena swihiwa swa swinyingi. Swinga yendleka a yendle leswo hileswi a angalavi leswaku Abiya, n’wana wa yena lweyi a atamusiva ka xitshamu xa wuhosi, a sala a pfukeliwa hi vamakwavu. (2 Tikronika 11:21-23) Leswi aswi yendleke swi kombise wutlharhi leli akalaka angali kombisanga loko aha li mumpsha.

Hambileswi Rehobuwama a yendleke minchumu ya yinene, Mayelano ni kufuma ka yena Bibele li li: “Ayendle leswobiha”. Hayini? Hikuva “aangatiyimiselanga ambilwini ya yena kulava Yehovha”. Hi mhaka leyo, Yehovha angamu tsakelanga. — 2 Tikronika 12:14.

I ntiyiso leswaku minkama yin’wana Rehobuwama a ayingisa Xikwembu naswona a yendlela vanhu va Yehovha minchumu yinene. Hambiswilitanu, a anga na wuxaka la le kusuhi na Yehovha, naswona a anga na kunavela ka le mbilwini ka kumu yingisa. Hi mhaka leyo, a tshike kuyendla swa swinene naswona a sungule kugandzela swikwembu swa mavunwa. Ungaha tivutisa: ‘Xana nkama lowu Rehobuwama anga pfumela kutshinyiwa hi Yehovha, aswi huma mbilwini? Xana hakunene a tisolile ka swidjoho swa yena naswona a alava kutsakisa Yehovha? Kumbe a yingise ntsena hi mhaka ya leswi a byeliweke kuyendla tanu?’ (2 Tikronika 11:3, 4; 12:6) Ka nkama wun’wana, loko se akulile, a tlhele a yendla minchumu ya kubiha. A ahambane swinene ni kokwana wa yena, Hosi Davhida. I ntiyiso leswaku Davhida a  yendle swihoxo. Kambe a tisolile swi huma mbilwini naswona a hundzukile ka swidjoho leswi aswi yendleke. Handle ka leswo, a rhandze Yehovha ni wugandzeli la ntiyiso wutomi la yena hinkwalu. — 1 Tihosi 14:8; Tipisalema 51:1, 17; 63:1.

Xana wurunguli leli lihi djondzisa yini? Lihi djondzisa swilo swotala. Swa bumabumeleka loko vanhu va tikarhatela kuva va khatalela mindjangu ya vona vatlhela va yendlela van’wana leswinene. Kambe leswaku Yehovha ahi tsakela, hi fanele hiva ni wuxaka leli tiyeke na yena ni kumu gandzela hi ndlela leyimu tsakisaka.

Leswaku hi kota kuyendla leswo, hi fanele himu rhandza swinene Yehovha. Kufana ni ndzilu lowu lavaka tihunyi leswaku wuya wu pfurha, leswaku lirhandzu la hina hi Yehovha li kula hi fanele hi djondza Bibele siku ni siku, hi yanakanyisisa hi lona ni kukhongela minkama hinkwayu. (Tipisalema 1:2; Varhoma 12:12) Lirhandzu leli litahi susumetela kutsakisa Yehovha ka hinkwaswu leswi hiswi yendlaka. Nakambe litahi pfuna kutisola swi huma mbilwini loko hi djoha ni kukombela Yehovha leswaku ahi rivalela. Kuhambana na Rehobuwama, hita tshama hi tshembekile ka wugandzeli la ntiyiso. — Yudha 20, 21.