Vanhu va vanyingi va kanakana leswi nga ka Bibele hikusa va pimisa swaku swi txintxile. Kambe muprofeta Ezaya a vule swaku rito la Xikwembu “li tshama hi masiku ni masiku.” (Esaya 40:8) Kambe i mpsini swi hi yentxaka hi tiyiseka swaku Rito la Xikwembu a li txintxiwanga?

Xikwembu xi ni ntamu wa ku hlayisa Bibele xi tlhela xi yentxa swaku li nga txintxiwi. Ku sukela khale, na Bibele la ha tsaliwa hi mavoko lava nga li kopiyara a va kontela maletra hinkwawu leswaku va tiyiseka swaku a ku na lexi nga pumbiwa, ku yengeseliwa kumbe ku txintxiwa ka Bibele. Leswi vanhu va kalaka vanga hetisekanga van’wana va phazamenyana loko va tsala Bibele.

Ku ni makopiya ya manyingi ya Bible la khale le li a li tsaliwe hi mavoko. Loko makopiya wolawo ma fananisiwa swa vevuka ku tsumbula swaku hi li ni li nga ni swihoxo swa switsongo. Leswaku u djondza swin’wana hi mhaka leyi, vona nhlokomhaka leyi nge: “Será que a Bíblia foi alterada?” ka jw.org.

Hi xikombiso ku ni mabuku ya khale lawa ma nga kumiwa hi 1947 a kusuhi ni Mar Morto, mabuku lawa ma kumiwe ka tinhava hi vanhu lava a va tshama mananga. Naswona mabuku lawa ma ni swiyenge swa Bibele leswi nga ni malembe ya ku tlula 2.000 na swi tsaliwile. Tintivi ti fananise leswi nga ka mabuku wolawo ni leswi nga ka Bibele. Se ti kume yini?

Tintivi ti kume leswaku leswi nga tsaliwa ka mabuku ya khale swa fana ni leswi nga ka Bibele. * Tintivi ta tiyiseka hikusa ti swi kambisise kahle leswi. Ha tiyiseka swaku Xikwembu xi tirhise matimba ya xona leswaku xi hlayisa Bibele, ku za na hina hi yi kuma namuntlha.

Swoswi hi nga djondza Bibele na hi tiyiseka swaku leswi nga tsaliwa ka lona i ntiyiso. Se a hi voneni swaku leswi vaprofeta va nga swi tsala swi hi djondzisa yini hi Xikwembu.