HI mixo wa Wawunharhu wa 24 ka Janeiro wa 2018, mindjangu ya maBetele ya Estados Unidos ni Canadá yi tsakile hi kutwa xitiviso lexi xa kuhlawuleka: Makwerhu Kenneth Cook, Jr. a vekiwe kuva xirho xa Ntlawa Lowu Rhangelaka wa Timboni ta Yehovha.

Makwerhu Kenneth Cook a psaliwe aPennsylvania, a Estados Unidos. A djondze ntiyiso ka mun’we wa vadjondzikuloni nkama a ali kusuhi ni kuheta xikola sekundariya. A game a khuvuliwa hi 7 ka junho wa 1980. Hi 1 ka Setembro wa 1982 a nghenele ntirho wa wuphayona la nkama hinkwawo. Ndzhaku ka kutirha tani hi phayona hi malembe mambirhi, a rhambiwe kuya tirha aBetele. A sungule ntirho wa yena wa Betele aWallkill, Nova York hi 12 ka Outubro wa 1984.

Ka malembe ya 25 lama landzeleke, Makwerhu Cook a yendle mintirho ya ku hambanahambana ka madepartamentu ya Kugandlisa mabuku ni ya Kuhlayisa munti wa Betele. A chade ni nsati wa yena Jamie hi 1996, naswona va tirhe swin’we aBetele la Wallkill. Hi Dezembro wa 2009, Makwerhu Cook ni nsati wa yena va cinciwile leswaku va ya tirha aNtsindza wa Djondzo wa Watchtower aPatterson, Nova York, laha Makwerhu Cook a yaveliweke kutirha ka departamentu la Kuhlamula Swivutiso. Hi Abril wa 2016, ndzhaku nyana ka loko va tlhelelile ka muyaku wa Wallkill, Makwerhu Cook ni nsati wa yena va cinciwile va yisiwa aBrooklyn, Nova York. Ndzhaku ka 5 wa tiwheti, va rhurhisiwile va yisiwa antsindzankulu wa Timboni ta Yehovha wa misava hinkwayo aWarwick, Nova York. Hi Janeiro wa 2017, Makwerhu Cook a vekiwe kutirha tani hi mupfunisi ka Huvu ya Vatsali ya Ntlawa Lowu Rhangelaka.